Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прадстаўнік Міжнароднай канфэдэрацыі свабодных прафсаюзаў (МКСП) Вадзім Барысаў абвінавачвае Беларусь у парушэньні прафсаюзных правоў. Выступаючы на адкрыцьці ІV зьезду Федэрацыі прафсаюзаў Украіны, Барысаў заявіў, што ўлады Беларусі працягваюць весьці курс на пераўтварэньне прафсаюзаў у інструмэнт свайго палітычнага ўплыву. “Дзеяньні, якія ўлады Беларусі дапусьцілі адносна Федэрацыі прафсаюзаў Беларусі і лідэраў галіновых прафсаюзных арганізацыяў, знайшлі самую жорсткую ацэнку МАП і міжнароднага прафсаюзнага руху”, – сказаў Барысаў. Сорамна, дадаў ён, што ў эўрапейскай краіне зьневажаюцца асноўныя правы прафсаюзаў.
Рашэньне НАТО адмовіць Аляксандру Лукашэнку ва ўдзеле ў саміце Рады Эўраатлянтычнага партнёрства стала пачварным рудымэнтам эпохі “халоднай вайны”. Пра гэта, як перадае карэспандэнт РІА "Новости", у пятніцу на паседжаньні Рады РЭАП у праскім Кангрэс-цэнтры заявіў кіраўнік беларускай дэлегацыі, сталы прадстаўнік Беларусі пры НАТА, амбасадар Бэльгіі Сяргей Мартынаў.
Беларускі матыў 16:44, 22/11/2002, Аляксандар Пількевіч, “Голас Амэрыкі”
У гэтым выпуску шмат розных лічбаў. Хацелася б, як у прымаўцы, дадаць “добрых”, але гэта, на жаль, будзе няпраўдай. Узрушэньняў у Беларусі не адбываецца, і нават гісторыя зь няўдалым візытам расейскіх парлямэнтараў у Менск была перакрэсьленая маскоўскім тэрактам. Аднак адсутнасьць гучных справаў зусім ня сьведчыць пра рост якасьці жыцьця. Абяцаныя лічбы – таму пацьверджаньне.
21--22 лістапада ў Палацы Рэспублікі праходзіла Міжнародная навукова-практычная канфэрэнцыя “Новыя тэхналёгіі ў мэдыцыне: дыягностыка, лячэньне, рэабілітацыя”. Упершыню ў сучаснай гісторыі акрэдытацыю журналістаў на мэдычнае мерапрыемства праводзіла Рада бясьпекі краіны.
Сёньня мы публікуем інтэрвію з адным з каардынатараў моладзевага руху ЗУБР Уладзімерам. Гэтае інтэрвію было надрукаванае ў газэце ”ЗУБР”, якая зараз распаўсюджваецца актывістамі руху па ўсёй краіне.
Адміністратыўная рада Міжнароднай арганізацыі працы – вышэйшы выканаўчы орган гэтай уплывовай структуры, якая аб’ядноўвае прадстаўнікоў 170 краін сьвету, пасьля дэтальнага разгляду зацьвердзіў заключэньні й рэкамэндацыі, зробленыя Камітэтам па свабодзе аб’яднаньняў МАП ураду Беларусі. У прынятым дакумэнце адзначаецца, што вяртаньне адмененага ўладамі безнаяўнага пералічэньня прафсаюзных унёскаў толькі пасьля зьмены кіраўніка ФПБ, зьяўляецца, па сутнасьці, маніпуляцыяй прафсаюзным рухам. Адміністратыўная Рада МАП настойліва рэкамэндуе ўраду неадкладна пачаць незалежнае расьсьледаваньне абвінавачваньняў, датычных умяшальніцтва ўлады ў выбарчы працэс у прафсаюзных арганізацыях, ажно да правядзеньня ў выпадку неабходнасьці, новых выбараў. Таксама ўмяшальніцтвам у справы прафсаюзаў вышэйшы кіруючы орган МАП лічыць зьмяшчэньне з займаемых пасад шэрагу прафсаюзных актывістаў і замены іх дзяржаўнымі чыноўнікамі. Акрамя таго, Адміністратыўная Рада выказала жаль, што ўрад Беларусі не падаў ніякай інфармацыі аб выкананьні рэкамэндацыяў, зробленых раней.
Расейскі бок можа зноў пайсьці на абмежаваньне падачы газу ў Беларусь, калі рэспубліка ня будзе выконваць свае абавязацельствы па аплаце пазык за яго пастаўку. Пра гэта заявіў інтэрвію “Медиафакту” намесьнік старшыні праўленьня ААТ “Газпром” Аляксандар Разанаў. Ён нагадаў, што на сёньня сума пазак Беларусі за газ, пастаўлены ў 2002 годзе, складае каля $80 млн. “У 2003 годзе “Газпром” паставіць Беларусі газ у колькасьці 10,2 млрд. кубамэтраў па ўнутрырасейсім кошце 24 даляры. Мы лічым няправільным, калі ўнутры Беларусі спажыўцы атрымоўваюць той самы газ па кошце 48 даляраў”, -- адзначыў Разанаў.
“Палата прадстаўнікоў” парлямэнту Беларусі адхіліла законапраект, датычны адмены шэрагу артыкулаў Крымінальнага кодэксу, якія прадугледжваюць адказнасьць за публічную абразу і паклёп да кіраўніка дзяржавы, паведамляе агенцтва "Интерфакс". За адхіленьне праекту закону прагаласавалі 65 “парлямэнтараў”, толькі 13 “дэпутатаў” выказаліся супраць.
Францыя выказвае “глыбокую закляпочанасьць” пагаршэньнем стану правоў чалавека ў Беларусі і спыненьнем яе супрацоўніцтва з АБСЭ. Як паведамілі журналістам у амбасадзе Францыі ў Беларусі, з такой заявай выступіў прэс-сакратар міністэрства замежных справаў Францыі Бэрнар Валеро.
Беларускі бок разгледзіць магчымасьць прымяненьня мераў да дзяржаваў Эўразьвязу, калі будуць уведзеныя абмежаваньні на выдачу візаў Аляксандру Лукашэнке і прадстаўнікам яго адміністрацыі. З такой заявай выступіў прэсавы сакратар МЗС Беларусі Павал Латушка, паведамляе агенцтва "Интерфакс".
У першы дзень саміту НАТО ў Праскім цэнтры кангрэсаў беларускую дэлегацыю (у складзе якой амбасадар Беларусі пры НАТО Сяргей Мартынаў і часовы даверчы ў справах Беларусі ў Чэхіі Мікалай Барысевіч) ніхто ня бачыў.
Дэпутат “палаты прадстаўнікоў” Раман Ананьеў выступіў з ідэяй стварэньня ў парлямэнце групы “Народны дэпутат”. Сярод яе вызначаных мэтаў – ініцыяваньне ўнясеньня зьменаў у Канстытуцыю. Як вынікае з інтэрвію Ананьева «Белорусской деловой газете», група ствараецца выключна з мэтай ініцыяваньня рэферэндума аб падаўжэньні паўнамоцтваў Лукашэнкі на пасадзе кіраўніка дзяржавы.
Маці дырэктара інфармацыйнага агенцтва “Украинские новости” Міхаіла Каламійца, які быў знойдзены мёртвым у Беларусі, ня верыць у самазабойства свайго сына і просіць Генпракуратуру распачаць крымінальную справу і правесьці экспэртызу, каб высьвятліць прычыну ягонай сьмерці.
Латвія, Літва, Эстонія, Славакія, Славенія, Баўгарыя і Румынія запрошаныя ў НАТО. На саміце НАТО, які пачаўся сёньня ў Празе, генэральны сакратар альянсу Джордж Робэртсан запрасіў уступіць у НАТО гэтыя сем дзяржаваў.
Багатае жыцьцё Фідэля Кастра захавалася на відэакасэтах, вывезеных з Кубы кантрабандным шляхам экс-сяброўкай аднаго зь ягоных сыноў. На відэастужках можна бачыць як камуністычны лідэр рыхтуецца да пышнага банкету і як ён адпачывае на раскошных скураных канапах на яго віле ў Гаване. Упершню зьявілася магчымасьць атрымаць уяўленьне аб рэзыдэнцыі Фідэля, якую большасьць кубінцаў так ніколі і ня бачылі.
Урад Беларусі дасягнуў дамоўленасьці з расейскім ААТ “Газпром” аб пагашэньні запазычанасьці за пастаўкі прыроднага газу ў рэспубліку. Як паведаміў прэм’ер-міністар Беларусі Генадзь Навіцкі, выступаючы перад дэпутатамі беларускага “парлямэнту”, у 2003 годзе рэспубліка выплаціць “Газпрому” роўнымі долямі 150 млн. даляраў ЗША пазыкі мінулых гадоў. Прэм’ер таксама падкрэсьліў, што кошт энэргарэсурсаў, спажываемых Беларусяй у зімовы пэрыяд, складае каля 160 млн. даляраў. У гэтай сувязі ўрад паставіў задачу зьнізіць спажываньне энэргарэсурсаў зімой на 10-15%, а таксама максымальна выкарыстоўваць мясцовыя віды паліва.
Урад Беларусі матывуе сваё рашэньне аб продажы 10,8% акцыяў нафтагазавай кампаніі “Славнефть” “пагрозай” іх абясцэньваньня пасьля продажу расейскім бокам свайго пакету акцыяў кампаніі. Пра гэта заявіў у інтэрвію “Медиафакту” ў пятніцу прэм’ер-міністар Беларусі Генадзь Навіцкі.
Эканамічная сытуацыя ў Беларусі “была і застаецца складанай”,- заявіў Генадзь Навіцкі, выступаючы ў беларускім парлямэнце ў пятніцу. Паводле ягоных словаў, зараз трэба прыкладаць “неверагодныя намаганьні” і вырашаць, у прыватнасьці, праблему пагашэньня пазык за энэргарэсурсы. У гэтай сувязі кіраўнік ураду нагадаў пра пазыку ў 52 млн. даляраў ЗША за пастаўленую электраэнэргію і пра 150 млн. даляраў пазык за прыродны газ.
У Беларусі за 10 месяцаў сёлетняга году памер сярэднестатыстычнай пэнсіі адносна да заробку складаў 43,9 адсоткаў. Па выніках першага паўгодзьдзя гэты паказчык быў на 0,2 адсоткі ніжэй. У 2000 годзе памер сярэднестатыстычнай пэнсіі адносна заробку дасягнуў 40,5 адсоткаў, у 2001 годзе – 42,1 адсоткі. Прагнозны паказчык па выніках сёлетняга году складае 45 адсоткаў, перадае РІА "Новости".
Перабудова “Славнефти” адбываецца ў Беларусі з паскарэньнем, але без галоснасьці. На сёньня, 22 лістапада, прызначаны аўкцыён па продажу беларускай долі ў ААТ “Нафтагазавая кампанія “Славнефть”. Стартавы кошт пакета акцыяў “Славнефти”, які належыць Беларусі ў 10,83% усталяваны ў памеры 200 млн. даляраў. Да 24.00 20 лістапада, згодна ўмовам таргоў, патэнцыйныя прэтэндэнты павінны былі ўнесьці ўсю гэтую суму ў якасьці закладу.
Усе ніткі экспартных газапровадаў для “Газпрому” зьяўляюцца прыярытэтнымі. Пра гэта 21 лістапада на сустрэчы з журналістамі ў Санкт-Пецярбурзе заявіў старшыня праўленьня ААТ “Газпром” Аляксей Мілер, адказваючы на пытаньне карэспандэнта АБН. Камэнтуючы выступленьні некаторых СМІ, уключна з замежнымі, аб тым, што рашэньне па будаўніцтве Паўночна-Эўрапейскага газапроваду па дну Балтыкі пазбаўляе газапровад праз Украіну, Беларусь і Польшчу прыярытэтага значэньня для “Газпрому”, Мілер падкрэсьліў, што для газавага холдынгу ўсе экспартныя ніткі прыярытэтныя і “мы будзем працягваць абмеркаваньне гэтых пытаньняў з эўрапейскімі партнёрамі ў самы хуткі час”.
Органы ўнутраных справаў Расеі й Беларусі правядуць сумесныя праверкі прадпрыемстваў, якія пераапрацоўваюць нафту, газ і каляровыя металы. Як перадае карэспандэнт РІА "Новости", такое рашэньне прынятае ў чацьвер па выніках сумеснага паседжаньня аб’яднанай калегіі міністэрстваў унутраных справаў “саюзнае дзяржавы”.
Важнымі падзеямі на тытунёвым рынку Беларусі адзначаныя два апошнія месяцы сёлетняга году. Першая ўжо абылася – вызначыліся пераможцы конкурсу на пастаўку імпартных цыгарэт на 2003 год. Кіраўнік па справах прэзыдэнта Галіна Жураўкава і падпарадкаванае ёй ДПТУП “Белая русь” атрымалі ў часе таргоў самую вялікую квоту. Прэзыдэнцкі загадчык гаспадаркай яшчэ раз падцьвердзіла сур’ёзнасьць намераў па манапалізацыі рынку імпартных тытунёвых вырабаў. Другая падзея яшчэ наперадзе – на 1 сьнежня заплянаваны ўрачысты пуск абноўленай Гарадзенскай тытунёвай фабрыкі “Нёман”. З гэтай нагоды чакаецца, што ў дзясятых чыслах сьнежня яе наведае патрон Галіны Анісімаўны – прэзыдэнт Аляксандар Лукашэнка.
З 20 сьнежня 2002 году ў Беларусі ўводзіцца ў абарачэньне білет Нацыянальнага банку Рэспублікі Беларусь вартасьцю 50000 рублёў. Пра гэта АФН паведамілі ва ўпраўленьні інфармацыі Нацыянальнага банку.
, iнформэр
