Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Маці Каламійца ня верыць у самазабойства сына 10:54, 22/11/2002
Маці дырэктара інфармацыйнага агенцтва “Украинские новости” Міхаіла Каламійца, які быў знойдзены мёртвым у Беларусі, ня верыць у самазабойства свайго сына і просіць Генпракуратуру распачаць крымінальную справу і правесьці экспэртызу, каб высьвятліць прычыну ягонай сьмерці.
Пра гэта, як перадае карэспандэнт РІА "Новости", Вольга Каламіец заявіла ў чацьвер журналістам пасьля сустрэчы з намесьнікам генпракурора Ўкраіны Віктарам Шокіным. Ён таксама настойвае, каб у правядзеньні экспэртызы прымаў удзел незалежны экспэрт. Маці журналіста лічыць, што ў яе сына не было прычынаў для самазабойства. Міхаіл Каламіец зьнік з Кіева 21 кастрычніка. 30 кастрычніка журналіст быў знойдзены павешаным непадалёк ад Маладэчна. 11 лістапада ён быў захаваны, бо не было знойдзена прызнакаў гвалтоўнай сьмерці. Акрамя таго, пры ім не было ніякіх дакумэнтаў, якія пасьля былі знойдзеныя ў гатэлі ў Маладэчна. 20 лістапада маці Міхаіла Каламійца і ягоная знаёмая пасьля эксгумацыі апазналі яго цела. Апазнаньне праводзілася ў прысутнасьці работнікаў праваахоўчых органаў Украіны і Беларусі.
