Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускай дэлегацыі ніхто на саміце НАТО пакуль ня бачыў 10:59, 22/11/2002, www.yusnews.info
У першы дзень саміту НАТО ў Праскім цэнтры кангрэсаў беларускую дэлегацыю (у складзе якой амбасадар Беларусі пры НАТО Сяргей Мартынаў і часовы даверчы ў справах Беларусі ў Чэхіі Мікалай Барысевіч) ніхто ня бачыў.
У амбасадзе Беларусі ў Чэхіі карэспандэнту “Ю.С.Ньюс” паведамілі, што Мікалай Барысевіч вечарам 21 лістапада “наведаў гала-канцэрт” у рамках саміту. Між тым супрацоўнік чэскага МЗС, які адказвае за беларускую дэлегацыю Гані Століна распавёў, што першапачаткова на 14 гадзін таго дня была заплянаваная сустрэча дэлегацыі Беларусі з намесьнікам генэральнага сакратара НАТО. Аднак, паводле супрацоўніка бюро інфармацыі і прэсы НАТО Робэрта Пшчэля, гэтая сустрэча была адхіленая. Ніхто з кіраўнікоў НАТО сустракацца зь беларускімі прадстаўнікамі не пажадаў. Застаецца верагоднасьць таго, што нейкія кантакты пасланцаў афіцыйнага Менску з НАТО адбудуцца ў Празе ў пятніцу – у другі і апошні дзень саміту.
