Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Навіцкі: эканамічная сытуацыя ў краіне застаецца складанай 13:51, 22/11/2002
Эканамічная сытуацыя ў Беларусі “была і застаецца складанай”,- заявіў Генадзь Навіцкі, выступаючы ў беларускім парлямэнце ў пятніцу. Паводле ягоных словаў, зараз трэба прыкладаць “неверагодныя намаганьні” і вырашаць, у прыватнасьці, праблему пагашэньня пазык за энэргарэсурсы. У гэтай сувязі кіраўнік ураду нагадаў пра пазыку ў 52 млн. даляраў ЗША за пастаўленую электраэнэргію і пра 150 млн. даляраў пазык за прыродны газ.
Як адзначыў прэм’ер, адказваючы на пытаньні дэпутатаў, сёньня ня трэба “раскачваць” пытаньне, зьвязанае з магчымасьцю будаўніцтва ў Беларусі атамнай электрастанцыі. На дадзены момант не існуе “ніякіх плянаў па будаўніцтву АЭС”. “Галоўнае пытаньне – мы ня маем эканамічных магчымасьцяў гэта зрабіць”, -- патлумачыў Г.Навіцкі. Паводле яго, “калі будаваць АЭС цягам 10 гадоў, то неабходна ўкладаць у яе будаўніцтва сродкі ўсяго бюджэту краіны”.
