Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Судовы зыск НТВ-плюс да НДТРК перададзены ў вышэйшую інстанцыю 16:38, 22/11/2002
Гаспадарчы суд Менску перадаў зыск тэлекампаніі НТВ-Плюс да Нацыянальнай дзяржаўнай тэлерадыёкампаніі Рэспублікі Беларусь (НДТРК) на разгляд у Вышэйшы гаспадарчы суд Рэспублікі Беларусь, паведамляе прэсавая служба расейскай тэлекампаніі.
Сваё рашэньне судзьдзя матывавала тым, што НДТРК зьяўляецца дзяржаўным органам Беларусі, і, падыючы зыск у Гаспадарчы суд Менску, НТВ-Плюс парушае правілы аб падсуднасьці. Прадстаўнікі НТВ-Плюс ад самастойнай перадачы справы ў вышэйшы суд адмовіліся, судзьдзя пераправіла зыскавую заяву ЗАТ “НТВ-ПЛЮС” па сваёй ініцыятыве. Як чакаецца, гэтая судовая інстанцыя або будзе сама разглядаць гэтую справу, або накіруе яе на разгляд назад у Гаспадарчы суд Менску. Прэтэнзіі НТВ-Плюс заключаюцца ў тым, што 31 траўня 2002 году НДТРК рэтрансьлявала на тэрыторыю Рэспублікі Беларусь матч фінальнага этапу Кубку сьвету паміж камандамі Францыі і Сенегалу, эксклюзіўныя правы на трансьляцыю якога на тэрыторыі РФ належылі тэлекампаніі НТВ-Плюс.
