Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Сургутнефтегаз” адмовіўся ўдзельнічаць у акцыёне па продажу акцыяў “Славнефти” 12:02, 26/11/2002
“Сургутнефтегаз” адмовіўся ўдзельнічаць у аўкцыёне па продажу 10,83% акцыяў “Славнефти”, якія належаць Беларусі. У сувязі з тым, што інтарэс да аўкцыёна стаў вельмі нізкім, беларускаму боку давялося перанесьці аўкцыён, бо адзіны прэтэндэнт, які падаў заяўку (“Сибнефть”), прапанаваў занадта нізкі кошт. Гэтая падзея кінула цень на нафтавы сэктар расейскага фондавага рынку, бо на аўкцыён “Славнефти” ўскладаліся вялікія надзеі ў пляне актывізацыі інтарэсу як замежных, так і айчынных інвэстараў да нафтавых папераў.
Як паведамляе www.vsluh.ru , “Сургутнефтегаз” быў асноўным прэтэндэнтам на “Славнефть”, і нежаданьне кампаніі ўдзельнічаць у акцыёне неадкладна прывяло да актывізацыі продажу акцыяў самаго “Сургутнефтегаза”, тым болей, што апублікаваная на мінулым тыдні справаздачнасьць “Сургутнефтегаза” па міжнародных стандартах за 2001 год аказалася горшай за прагнозы аналітыкаў. Як адзначаюць спэцыялісты інвэстыцыйнай кампаніі “Сибпрофинвест”, пасьля дастаткова сур’ёзнага паніжэньня акцыі “Сургутнефтегаза” маюць шансы падрасьці да сярэдняга ўзроўню ў бліжэйшыя некалькі тыдняў.
