Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Ерыване ацанілі беларускую вайсковую тэхніку 10:36, 26/11/2002
Лепшая оптыка й мішэні вырабляюцца ў Беларусі, лічыць міністар абароны Армэніі Сэрж Саркісян. І таму Армэнія мае вялікі інтарэс да супрацоўніцтва зь Беларусяй, падкрэсьліў армянскі міністар абароны падчас сустрэчы са сваім беларускім калегам Леанідам Мальцавым, які прыбыў у Ерыван 25 лістапада.
У сваю чаргу міністар абароны Беларусі генэрал-палкоўнік Леанід Мальцаў упэўнены, што ваенна-тэхнічнае супрацоўніцтва паміж Армэніяй і Беларусяй будзе паляпшацца. Пра гэта ён заявіў у часе свайго афіцыйнага двухдзённага візыту ў Ерыван. Паводле міністра, “дзьве дзяржавы зараз нясуць баявое дзяжурства ў рамках Аб’яднанай сыстэмы супрацьпаветранай абароны СНД”. Ён адзначыў, што адносіны паміж Менскам і Ерыванам у вайсковай сфэры ўжо маюць юрыдычную базу. Асноўнай мэтай свайго візыту ў Ерыван Мальцаў назваў забесьпячэньне “рэалізацыі гэтай базы ў практычных мэтах”. Л.Мальцаў праінфармаваў, што перад ягоным адлётам ніжняя палата парлямэнту Беларусі ратыфікавала армяна-беларускае пагадненьне аб узаемных пастаўках вайсковай тэхнікі.
