Гучнае злачынства ў Беларусі раскрытае ў Расеі :: Хартыя'97 :: Навiны

У сераду НТВ сталі вядомыя падрабязнасьці апэрацыі па вызваленьні закладніка, праведзенай некалькі дзён таму супрацоўнікамі галоўнага ўпраўленьня МУС па Цэнтральнай фэдэральнай акрузе. Нагадаем, што з палону літаральна “вырвалі” беларускага бізнэсоўца, у якога злачынцы патрабавалі выкуп у паўмільёны даляраў. Распавядае Вольга Дземірчан.

Бізнэсоўца выкралі ў Менску. Толькі пасьля вызваленьня ён даведаўся, што быў непадалёк ад Масквы. Перад дарогай камэрсанта накачалі наркотыкамі і апранулі на галаву мех.
За ўвесь гэты час ён нават не разу ня бачыў пакой, дзе знаходзіўся: сьвятло заўсёды было выключаным, шторы завешаныя, рукі ў кайданках, а злачынцы былі ў масках і карысталіся кішэннымі ліхтарыкамі.
Перш апэратыўнікі схапілі толькі двух выкрадальнікаў, які вартавалі палоннага. Але затым у дзьверы пазванілі, і перад уваходам у кватэру, дзе ўжо знаходзіліся больш за дзясятак супрацоўнікаў міліцыі, зьявіўся невядомы.
Па меншай меры, ён быў зьдзіўлены. Але спакойна паказаў пашпарт на імя грамадзяніна Ўкраіны Сяргея Зварыча і патлумачыў, што да гэтага здарэньня ён не датычны. Ён, нібыта, “прывёз тэлефонныя карты”. Мужчыну, тым не менш, затрымалі.
І толькі сёньня стала вядома, што сапраўднае прозьвішча “Зварыча” – Логінаў. У 1998-ым праваахоўчыя органы Беларусі завочна выдалі санкцыю на яго арышт і аб’явілі ў міжнародны вышук. Аляксандра Логінава па падазрэньні ў замаху на трэнера Нацыянальнай зборнай па хакею Міхаіла Захарава.
Апэратыўнікі кажуць, што інцыдэнт адбыўся 30 траўня 1998 году, калі ў кавярні “Макс-шоў” на дыскатэцы кінатэатра “Кастрычнік” у Менску Захараў атрымаў агнявое раненьне ў галаву. Быў паранены і ахоўнік дыскатэкі.
Нягледзячы на тое, што абвінавачванне прад’яўленае, сьледзтва яшчэ незавершанае. Так што пакуль невядома, дзе будуць судзіць украінца беларускага паходжаньня “Логінава-Зварыча” – у Маскве ці на радзіме, у Беларусі.