Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Супраць дырэктара ААТ “Пищевик” распачатая крымінальная справа 15:40, 28/11/2002
Адносна выконваючага абавязкі дырэктара ААТ «Пищевик» (Ганцавічы, Берасьцейская вобласьць) распачатая крымінальная справа. Як паведамілі БелаПАН у прэсавай службе Камітэту дзяржаўнага кантролю (КДК), справа распачатая па прызнаках злачынства, прадугледжанага часткай 1 артыкула 424 Крымінальнага кодэксу Беларусі – злоўжываньне ўладай ці службовымі паўнамоцтвамі.
Паводле інфармацыі прэсавай службы КДК, в.а. дырэктара ў пэрыяд зь ліпеня па кастрычнік 2002 году шляхам злоўжываньня сваімі службовымі паўнамоцтвамі ўчыніў “юрыдычна значныя дзеяньні”. На падставе дамовы даручэньня з ЗАТ “Абсолютбанк” (Менск) ён рэалізаваў на карысьць трэціх асоб 44 тоны замарожаных чарніц. У прэсавай службе адзначылі, што атрыманыя ад рэалізацыі грашовыя сродкі ў суме 71,9 млн. рублёў не былі пералічаныя на рахунак ЗАТ “Абсолютбанк”, што стала прычынай нанясеньня ўрону ў асабліва буйным памеры.
