Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Краўчанку давялі да нярвовага зрыву 17:52, 02/12/2002
Жорсткі прэсінг з боку афіцыйных беларускіх уладаў магчыма справакаваў у былога амбасадара Беларусі ў Японіі Пятра Краўчанкі нярвовы зрыў. Пра гэта прэсаваму цэнтру "Хартыі’97" стала вядома з дасьведчанай крыніцы. Нагадаем, што 1 сьнежня зьявілася інфармацыя аб зьнікненьні ў Токіо былога амбасадара Беларусі ў Японіі, які быў адазваны Аляксандрам Лукашэнкам назад у Беларусь. Ужо 2 сьнежня стала вядома, што Краўчанка нікуды ня зьнік, а знаходзіцца ў сваёй такійскай кватэры. Аднак пры ім знаходзяцца дакумэнты і пячатка амбасады, якія ён не зьбіраецца вяртаць. Вяртацца на радзіму дыплямат таксама не зьбіраўся. Пра гэта афіцыйна заявіў беларускі МЗС. У другой палове дня зьявілася іншая інфармацыя – амбасадар заявіў пра свой намер вярнуцца ў Менск.
