Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На выбары ў мясцовыя Саветы зьбіраюцца ісьці 55 адсоткаў менчукоў 10:30, 02/12/2002
Больш за палову – 55 адсоткаў апытаных сацыёлягамі жыхароў беларускай сталіцы намерваюцца прыняць удзел у галасаваньні на выбарах у мясцовыя Саветы дэпутатаў, якія пройдуць вясной (2 сакавіка) 2003 году. 28 адсоткаў апытаных не зьбіраюцца ў іх удзельнічаць, а 17 адсоткаў ня здолелі спрагназаваць свае дзеяньні падчас надыходзячых выбараў. Такія вынікі апытаньня, праведзенага 21-25 лістапада сацыялягічнай службай “Зеркало” інфармацыйнай кампаніі БелаПАН сярод 500 менчукоў 18 гадоў і старэй.
Маніторынгавыя апытаньні менчукоў паказваюць, што гатоўнасьць выбарцаў - жыхароў беларускай сталіцы – удзельнічаць у выбарах у мясцовыя Саветы дэпутатаў на працягу сёлетняга году захоўваецца практычна на стабільным узроўні. Праўда, у параўнаньні з аналягічным кастрычніцкім апытаньнем “Зеркала”, павялічылася (з 21 да 28 адсоткаў) колькасьць тых, хто не жадае прымаць удзел у галасаваньні і зьменшылася (з 28 да 17 адсоткаў) колькасьць тых, каму цяжка вызначыць сваё стаўленьне да ўдзелу ў галасаваньні 2 сакавіка 2003 году.
