Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Яшчэ адзін буйны гаспадарнік трапіў “пад артыкул” 12:15, 04/12/2002
Адносна генэральнага дырэктара ААТ “Слонімская камвольна-прадзільная фабрыка” распачатая крымінальная справа па прызнаках злачынства, прадугледжанага часткай 3 артыкула 424 Крымінальнага кодэксу, -- злоўжываньне ўладай ці службовымі паўнамоцтвамі. Справа распачатая Ўпраўленьнем дэпартамэнту фінансавых расьсьледаваньняў па Гарадзенскай вобласьці.
Як паведамілі БелаПАН у прэсавай службе Камітэту дзяржаўнага кантролю (КДК), кіраўнік прадпрыемства “ наўмысна, насуперак інтарэсам дадзенага прадпрыемства, у 2000-2001 годзе даваў незаконныя ўказаньні работнікам аб фармаваньні ўліковых коштаў на прадукцыю, якая рэалізоўваецца ў парадку таваразваротных апэрацыяў нерэзыдэнтам Беларусі, у памерах, якія не забясьпечваюць кампэнсацыю выдаткаў, зьвязаных з вытворчасьцю і рэалізацыяй уласнай прадукцыі”. Гэтыя дзеяньні нанесьлі фабрыцы матэрыяльны ўрон у суме 129,7 млн.руб. Акрамя таго, паводле інфармацыі прэсавай службы КДК, у гэты ж пэрыяд дырэктар даваў незаконныя ўказаньні падначаленым аб фармаваньні тарыфаў на паслугі па пераапрацоўцы давальніцкай сыравіны для заказьнікаў у памерах, якія не забясьпечваюць прадпрыемству кампэнсацыі выдаткаў. Гэта пацягнула за сабой матэрыяльны ўрон прадпрыемству ў памеры 62,3 млн.рублёў.
