Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Краўчанка абяцае “сэнсацыі і выкрыцьці” 11:02, 04/12/2002
Былы амбасадар Беларусі ў Японіі Пётар Краўчанка заявіў, што пасьля вяртаньня на радзіму ён зьбіраецца выступіць з шэрагам “палітычных сэнсацыяў”. “Вы даведаецеся яшчэ некалькі сэнсацыяў – іх будзе тры”, - сказаў ён, адказваючы на пытаньні "Интерфакса" ў аўторак у Токіо.
Як заявіў экс-амбасадар, яны тычацца “ня толькі Лукашэнкі, аднак да Расеі ніякага дачыненьня ня маюць”. П.Краўчанка сказаў, што гэтыя “сэнсацыі” можна трактаваць і як “палітычныя выкрыцьці”. Былы амбасадар ня выключыў магчымасьці таго, што будзе балятавацца на наступных прэзыдэнцкіх выбарах у Беларусі. П.Краўчанка таксама паведаміў, што нядаўна ў яго з сэйфу ў кабінэце зьнік дзёньнік амбасадара, прысьвечаны “важным палітычным працэсам за апошнія пяць гадоў у Беларусі”. “Для мяне гэта была выбухова-небясьпечная рэч”, -- дадаў П.Краўчанка. Ён ня выключыў, што менавіта гэты дзёньнік справакаваў цяперашнюю сытуацыю вакол яго.
