Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Аляксандар Лукашэнка сёньня мае апошнюю магчымасьць захаваць сваю рэпутацыю як палітыка – рызыкнуць уладаю і аб’явіць дэмакратычныя выбары ў парлямэнт, які прызналі б незалежныя эўрапейскія назіральнікі. У адваротным выпадку яго скінуць з палітычнае сцэны як дыктатара”, - заявіў Вітаўтас Ландсбэргіс, кіраўнік незалежнай Літвы ў 1990-92 гадах, зараз член фракцыі кансэрватараў Сойму Літвы, у інтэрвію “Нашай ніве”. “Літва, як і Польшча, не зьбіраецца цалкам парываць зь Беларусяй. Аднак гэта не ўратуе Лукашэнку, - заявіў Ландсбэргіс. - Ён зайшоў занадта далёка. Тое, што адбылося ў Празе, можна разглядаць як “дабро” на адхіленьне Лукашэнкі ад улады. І Масква адвярнулася ад яго: калі б Расея заступілася за беларускага кіраўніка, Эўропа абыйшлася б зь ім больш мякка. Прага стала сыгналем таго, што ў Эўропе ніхто ня будзе плакаць, калі Лукашэнку скінуць ці раптам ён сур’ёзна захварэе”.
Намесьнік генэральнага сакратара Рады Эўропы Мод дэ Буер-Букікіо назвала ўмовы, неабходныя для ўступленьня Беларусі ў гэтую арганізацыю. Як перадае карэспандэнт РІА "Новости", выступаючы ў пятніцу на прэс-канфэрэнцыі ў Маскве, яна назвала сярод іх свабоду СМІ, забесьпячэньне незалежнасьці сыстэмы судавытворчасьці, а таксама рашэньне праблемаў карупцыі ў Беларусі.
Улады працягваюць рабіць усё магчымае, каб у склад выбаркамаў не ўвайшлі прадстаўнікі дэмакрытычнай апазыцыі. Так, паводле Радыё Свабода, у склад Магілёўскай абласной і гарадзкой выбарчых камісіяў увайшлі прадстаўнікі толькі двух партыяў – Лібэральна-дэмакратычнай і Партыі камуністаў Беларускай. У склад Менскай гарадзкой выбарчай камісіі ад партыяў трапілі толькі два чалавекі – Юры Пальчэўскі зь Беларускага Народнага Фронту і Міхаіл Дашкевіч з ЛДПБ. У Віцебскую гарадзкую камісію ўвайшлі прадстаўнікі ЛДПБ, абедзьвюх камуністычных партыяў – ПКБ і КПБ, а таксама сябры двух грамадзкіх аб’яднаньняў – праўрадавай жаночай арганізацыі і БРСМ. Прадстаўнікоў Аб’яднанай грамадзянскай партыі і Беларускай сацыял-дэмакратычнай патыі “Народная Грамада”, якія таксама прэтэндавалі на ўключэньне ў склад гарадзкой выбарчай камісіі, не дапусьцілі.
Беларуская тэлевізія павіна заваяваць айчынную аўдыторыю. Пра гэта заявіў Аляксандар Лукашэнка. 5 сьнежня ён пазнаёміўся з працай двух тэлевізійных каналаў краіны – ОНТ і СТВ. “Белоруссия обладает достаточными ресурсами и творческим потенциалом, чтобы обустроить свое информационное пространство на уровне современных технологий, выйти из информационной зависимости от зарубежных источников и самостоятельно освещать как внутриреспубликанские, так и международные события. Магистральный путь - завоевание белорусской аудитории отечественным телевидением”, - заявіў Лукашэнка ў сваім выступе перад калектывамі тэлеканалаў, паведамляе ў пятніцу прэсавая служба прэзыдэнта.
Рашэньне ЗША не выдаваць візу Аляксандру Лукашэнку застаецца нязьменным. Пра гэта заявіў у чацьвер у Маскве афіцыйны прадстаўнік амэрыканскае амбасады ў РФ. Так ён пракамэнтаваў паведамленьні аб тым, што беларускі лідэр гатовы разгледзіць вяртаньне ў Беларусь місіі назіральнікаў АБСЭ.
5 сьнежня ў Магілёве створаныя абласная і гарадзкая выбарчыя камісіі па выбарах дэпутатаў мясцовых Саветаў 24-га скліканьня. У кожную зь іх увайшлі па два прадстаўнікі палітычных партыяў і грамадзкіх арганізацыяў. Абласная выбарчая камісія налічвае 13 чалавек, гарадзкая – 11. У складзе першай ёсьць прадстаўнікі абласной арганізацыі Лібэральна-дэмакратычнай партыі і Беларускага рэспубліканскага саюза моладзі. Сярод членаў гарадзкой выбарчай камісіі – прадстаўнік Партыі камуністаў Беларускай і Магілёўскай асацыяцыі прамыслоўцаў і прадпрымальнікаў. Нагадаем, што ў Гомлі, Горадні і Віцебску ў склад абласных і гарадзкіх выбарчых камісіяў таксама ня трапілі прадстаўнікі апазыцыйных дэмакратычных партыяў.
Былы амбасадар Беларусі ў Японіі Пётар Краўчанка паведаміў, што 13 сьнежня плянуе вярнуцца ў Менск. Дыплямат ня выключыў, што там супраць яго “могуць быць інсьпірыраваныя правакацыі палітычнага характару”.
Броўнаўскі рух Пятра Краўчанкі па вуліцах Токіо – гэта страшэнна добрая прыкмета. Не дарэмна менавіта за ім цягам па крайняй меры апошняга дзесяцігодзьдзя назіраюць усемагчымыя аналітыкі і аматары прагнозаў і ўважліва вывучаюць праз мікраскоп. Бо менавіта Пётар Кузьміч – той самы жыхар карабля, які бяжыць зь яго першым, як толькі карабель пачынае тануць. І калі раптам замітусіўся сярод японскіх хмарачосаў, гарбатавых домікаў і гейш – значыць, справы сёньняшняй улады ідуць насамрэч вельмі блага. І хутка надыдзе сьветлае заўтра.
Аляксандар Лукашэнка ў часе ўчорашняга візыту на БТ, ОНТ і СТВ паставіў перад калектывамі трох тэлевізійных каналаў краіны задачу – заваяваць беларускую аўдыторыю. Як перадае БЕЛТА, Лукашэнка заявіў, што “сегодня в информационном пространстве страны доминируют российские телеканалы: они намного богаче, разворотливее, развязнее”. “Последние несколько месяцев наглядно показали, как мало у них уважения к белорусскому народу”, - дадаў Лукашэнка.
Інтарэс да Беларусі на Захадзе сёньня невялікі. Сярод спэцыялістаў, якія займаюцца праблемамі Ўсходняй Эўропы, вельмі мала тых, хто надзяляе нашай краіне ўвагу. Але тым не менш, усё ж такі яны ёсьць. Адзін зь іх – Жорж Ніва, прафэсар Жэнеўскага ўнівэрсытэту, былы дырэктар Жэнеўскага эўрапейскага ўнівэрсытэту, сябра Апякунскай рады Эўрапейскага ўнівэрсытэту ў Санкт-Пецярбургу, нарэшце, вядомы славіст, імя якога вядомае ледзь ні кожнаму французскаму студэнту, які вывучае расейскую мову.
Дацкаму ўраду нічога не заставался, акрамя як вызваліць чачэнскага палітыка Ахмэда Закаева пасьля пяцітыднёвага зьняволеньня. Нават пасьля неаднаразовага падаўжэньня тэрміну Масква ня здолела падаць доказы так званай тэрарыстычнай дзейнасьці Закаева. Пасьля чаго Данія магла вынесьці толькі адно рашэньне – вызваліць Закаева.
Арганізацыя “ад шчырага сэрца” падаравала яму набор канцылярскіх прыладаў, якія выдаваліся кожнаму ўдзельніку саміту НАТО ў Празе. Сярод іх – тэчкі, нататнікі, асадкі, сшыткі і партфель. У лісьце да падарунка паведамляецца: “Зьвяртаючы ўвагу на тое, што грамадзянін Лукашэнка Аляксандар Рыгоравіч псыхічна не зусім здаровы, а пасьля змовы Амэрыкі з Эўропай супраць самага рускага, самага праваслаўнага, самага савецкага чалавека – нэрвы ў яго зусім здалі. І вось каб як-небудзь яго суцешыць – “Зьвяз беларусаў замежжа” сьпяшаецца павіншаваць грамадзяніна Лукашэнку А.Р. з надыходзячымі Калядамі. Арганізацыя ад усяго сэрца дасылае яму падарунак і спадзяецца, што ён узрадуе Аляксандра Рыгоравіча”.
19 сьнежня ў Беларусі адбудзецца агульнанацыянальная забастоўка індывідуальных прадпрымальнікаў, а 1 студзеня пачнецца бязтэрміновая забастоўка з спыненьнем выплаты падаткаў і пералічэньня іншых плат. Як паведамляе БелаПАН, рашэньне пра гэта прынятае на паседжаньні статачнага камітэту прадпрымальнікаў пад кіраўніцтвам Валеры Леванеўскага.
Пастановаю Міністэрства эканомікі ад 3 сьнежня 2002 году №259 “Аб коштах на сьпірт і алькагольную прадукцыю” вызначаныя адпускныя кошты на сьпірт этылавы з харчовай сыравіны, падвышаныя розьнічныя кошты на гарэлку і мінімальныя адпускныя кошты на алькагольную прадукцыю моцнасьцю звыш 28 адсоткаў, якая рэалізоўваецца на тэрыторыі Рэспублікі Беларусь.
Запазычанасць па заробку ў рэспубліцы да пачатку сьнежня скарацілася да 28,7 мільярдаў рублёў. Яшчэ месяц таму яна пераўзыходзіла 100 мільярдаў. Як паведамілі карэспандэнту БЕЛТА ў Дэпартамэнце дзяржаўнай інспэкцыі працы Міністэрства працы й сацыяльнай абароны, у рамках мераў па ліквідацыі запазычанасьці працягваецца праца па кантролі суб’ектаў гаспадараньня. Так, за 11 месяцаў сёлетняга году спэцыялісты дэпартамэнту выявілі парушэньні тэрмінаў выплаты заробкаў у больш чым 7200 арганізацыях. Паводле вынікаў праверак да 2737 наймальнікаў прымененыя эканамічныя санкцыі на агульную суму 100 мільёнаў рублёў. Вынесена больш за 2600 пастановаў аб прыцягненьні да адміністратыўнай адказнасьці кіраўнікоў і іншых службовых асобаў.
5 сьнежня адбылася рабочая паездка прэм’ер-міністра Беларусі Генадзя Навіцкага ў Наваполацак (Віцебская вобласьць). Кіраўнік ураду наведаў найбуйнейшае прадпрыемства мясцовай прамысловай зоны – ААТ “Нафтан”, ААТ “Палімір” і завод пратэінава-вітамінных канцэнтратаў (ПВК). У часе сустрэч з кіраўніцтвам гэтых прадпрыемстваў абмяркоўваліся пэрспэктывы разьвіцьця вытворчасьці і выпуску канкурэнтаздольнай прадукцыі.
Аб’ём таваразвароту паміж Калініградзкай вобласьцю і рэгіёнамі Беларусі зьнізіўся сёлета на 13% і склаў усяго каля 60 млн. даляраў. Пра гэта паведаміў на чарговым паседжаньні ў Калініградзе Расейска-Беларускай рады па доўгатэрміновым супрацоўніцтве віцэ-прэм’ер, міністар эканомікі Беларусі Андрэй Кабякоў. Ён адзначыў, што такое становішча зьяўляецца пасрэдным, бо патэнцыйныя магчымасьці для пашырэньня гандлёва-эканамічнага супрацоўніцтва дазваляюць Калінінградзкай вобласьці і Беларусі дасягнуць у 2003 годзе аб’ёму двухбаковага таваразвароту ў 200 млн. даляраў.
У чацьвер прэзыдэнт “ЛУКОЙЛа” Вагіт Алякпераў адмовіўся браць удзел у найбуйнейшай прыватызацыйнай зьдзелцы па продажу амаль 74,95% акцыяў “Славнефти”. Аналітыкі называюць найбольш верагодным пакупніком “Сибнефть” і лічаць, што кампанія “моцна не пераплоціць”. А гэта значыць, што надзеі дзяржавы атрымаць за “Славнефть” ня меней за $2,5-3 млрд. могуць не апраўдацца.
Адначасна з палутара-двухразовым павелічэньнем для насельніцтва тарыфаў на газ і электраэнэргію ўрад пасьпяшаўся абмежаваць доступ малазабясьпечаных грамадзян да атрыманьня жыльлёвых субсыдыяў. Зараз, каб разьлічваць на капейкавую дзярждапамогу, сям’я павінна мець даходы, што не пераўзыходзяць у сярэднем 63 тыс. бел. руб. на чалавека, - іншымі словамі, жыць надгаладзь.
Заём за займам 11:03, 06/12/2002, Анатоль Тараховіч, Белорусский рынок
Усплёск інфляцыі, зафіксаваны за першыя два тыдні лістапада, прывёў да пераадоленьня яе межавага ўзроўню, заплянаванага ў сёлетнем годзе ўрадам і Нацыянальным банкам.
У сераду ў Вярхоўным судзе РБ працягваліся слуханьні па крымінальнай справе былога начальніка Беларускай чыгункі і экс-сэнатара Віктара Рахманька. Пасьля таго, як сваю пазыцыю выказала абвінавачваньне, магчымасьць выступіць перад судом і прадстаўнікамі прэсы атрымаў і сам падсудны. Гэта стала яго першым публічным выступам з пачатку крымінальнага перасьледу, якое было ініцыянаванае Пракуратурай Рэспублікі Беларусь 23 лістапада 2001 году.
, iнформэр
