| | | | | |
| |
|
|
|
|
| | | |||||||||||||
| |
 УСЕ ПРАЕКТЫ
| | |
Новыя вершы Ніла Гілевіча 12:22, 06/12/2002 
Пачуйце! Магчыма, i гэты мой клiч Далёка не дойдзе: заглохне У нетрах муроў-камянiц, У зараслях чортапалоху. Магчыма... I ўсё-ткi, i ўсё ж: -- Пачуйце! Пачуйце! -- гукаю. -- Iмперцы прыставiлi нож Да горла няшчаснага краю! Пачуйце ж, о дзецi зямлi, Што ваша павек, i не дайце, Не дайце, каб род наш звялi Антыхрысты i запраданцы! 2002, красавiк Аднаму з нiцых Чаму ты радуешся, нiцы раб? I што жабрачым пафасам вiтаеш? Пагiбелi сваёй дзяржавы рад? На згубу Бацькаўшчыны гiмн складаеш? Якi ж ты ўсё-такi са смердаў смерд I з халуёў халуй! Якая ганьба! У тых, што гоняць Беларусь на смерць -- Плюгавы, да агiды, памагайла! Знай, лёкай, рады хамуту-ярму: Я прозвiшча тваё з радзiмых гукаў Не называю тут адно таму, Што мне шкада тваiх дзяцей i ўнукаў. 2002, лiстапад Праклён Будзьце пракляты вы, каты свабоды! Вы, што душылi i душыце нас! Вы, акупатары нашай гасподы, Нашых багаццяў i нашых украс! Будзьце пракляты i вы, запраданцы, Лёсам народу майго гандляры! Юдавы выблядкi i ўзгадаванцы! Брудных i блудных таргоў махляры! Будзьце пракляты i вы, вырачэнцы Мовы i духу бацькоўскай зямлi! Вы, надзiманыя пыхай нiкчэмцы, Волi i хэнцi чужой халуi! Гэта з крыжа я крычу вам, распяты Горам народа i болем маiм. Будзьце пракляты вы! Будзьце пракляты! Сёння i заўтра й вавекi! Амiн! 2002, лiстапад 
1998-2007 © Хартыя'97. E-mail: charter@charter97.org Паважаныя кaлегi, нагадваем вам, што пад час выкарыстаньня матэрыялаў сайта спасылка на прэсавы цэнтар Хартыi'97 абавязковая Рэкляма на сайце. Тэхнічная падтрымка webmaster@charter97.org. Экспарт навiнаў  , iнформэр
| | | |
