Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Галава ЦВК Расеі супраць абраньня Лукашэнкі на трэці тэрмін 11:00, 09/12/2002
Камэнтуючы ў Санкт-Пецярбургу на 20-ым паседжаньні МПА СНД магчымасьць абраньня на трэці тэрмін Аляксандра Лукашэнкі, старшыня Цэнтрвыбаркаму РФ Аляксандар Вешнякоў сказаў, што адзінага міжнароднага стандарту па гэтым пытаньні не існуе. “Аднак мая думка як грамадзяніна Вешнякова такая: мудрая форма існуе ў тых дзяржавах, дзе вышэйшая службовая асоба дзяржавы абіраецца два разы запар і ня больш за тое, - заявіў ён. – Гэта прынцып дэмакратыі, прынцып абнаўленьня і зьменнасьці ўлады, які асабліва важны для краін з маладой дэмакратыяй”.
Старшыня Цэнтральнай выбарчай камісіі РФ Аляксандар Вешнякоў таксама выказаў жаль аб тым, што Беларусь адмовілася падпісаць Канвэнцыю аб стандартах дэмакратычных выбараў у краінах СНД. Паводле галавы ЦВК, Беларусь, якая прыняла актыўны ўдзел у падрыхтоўцы праекту Канвэнцыі аб стандартах дэмакратычных выбараў у краінах СНД, нечакана на заключным этапе адмовілася ад падпісаньня гэтага дакумэнту. “Спадзяюся, што гэта прыкрае непаразуменьне, і што Беларусь усё ж такі падпіша канвэнцыю”, - адзначыў Вешнякоў.
