Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Пагоня” ладзіць акцыю ў падтрымку Мажэйкі й Маркевіча 12:11, 10/12/2002
Далучыцца да акцыі салідарнасьці “Павал, Мікола – мы чакаем вас!” заклікае жыхароў Беларусі, СМІ й грамадзкія арганізацыі рэдакцыя гарадзенскага інтэрнэт-выданьня «Пагоня». 10 сьнежня спаўняецца 100 дзён, як асуджаныя журналісты закрытай уладамі недзяржаўнай газэты «Пагоня» Павал Мажэйка й Мікалай Маркевіч знаходзяцца ў месцах абмежаваньня волі гарадоў Жлобін й Асіповічы. У рамках акцыі рэдакцыя сайту заклікае ў гэты дзень адаслаць журналістам па паштоўцы са словамі падтрымкі.
“Чым болей пошты, якая прыходзіць да журналістаў, тым больш відавочна для турэмшчыкаў, што грамадзтву патрэбная свабода слова, і грамадзтва гатовае за яе змагацца”, -- кажа рэдактар сайту «Пагоні » Ірына Чарняўка. Як паведамляе БелаПАН, такая акцыя ўжо прайшла ў Беларусі й Польшчы 1 лістапада. Тады Паўлу Мажэйку й Мікалаю Маркевічу прыйшло каля 150 паштовак.
