Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Ведомости”: Расея падасьць у Беларусь у 2003 годзе больш газу 10:39, 10/12/2002
Нягледзячы на непаразуменьні, Расея паставіць у Беларусь у 2003 г. больш газу, чым сёлета. 10 сьнежня паліўна-энэргетычны балянс дзьвюх краін будзе зацьверджаны на Савміне “саюзнай дзяржавы”. 10 сьнежня кіраўнікі ўрадаў зацьвердзяць паліўна-энэргетычны балянс дзьвюх краін на 2003 год.
Расея пайшла насустрач Беларусі і павялічыла на 1,75 млрд.куб.м пастаўкі газу. Хоць Аляксандар Лукашэнка даваў загад свайму ўраду “папрасіць лепш у арабскіх дзяржаваў і Амэрыкі”, пастаўшчыком застаецца Расея. У наступным годзе Менск атрымае з Расеі 18,5 млрд.куб.м блакітнага паліва. “Газпром”, як і сёлета, паставіць 10,2 млрд.куб.м па расейскіх коштах для памежнага зь Беларусьсю пояса (зараз 24 дал. за 1000 куб.м). Астатні аб’ём паставяць камэрцыйныя структуры. Як сказаў прэсавы сакратар беларускага прэм’ера Генадзя Навіцкага Іван Знаткевіч, першы прэтэндэнт тут “Итера”. Беларусь атрымае, як і ў 2002 годзе, 15 млн.т нафты і 5,5 млрд. кВтч электраэнэргіі. Звадкаванага газу паставяць 91 600 т супраць сёлетніх 80 000 т, а вуглю – 380 000 т пры сёлетніх 600 000 т. Такое рашэньне, падрыхтаванае Мінэнэрга РФ і Мінэканомікі РБ, задавальняе суседзяў, бо ў балянсе мясцовых электрастанцыяў 95% паліва складае газ.
, iнформэр
