Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Перамовы паміж АБСЭ й Беларусьсю не пачаліся 10:38, 10/12/2002
9 сьнежня ў Вене павінны былі пачацца афіцыйныя перамовы паміж АБСЭ й Беларусьсю аб умовах аднаўленьня працы ў Менску Кансультатыўна-назіральнай групы. Пра гэта заявіў 6 сьнежня Антоніа Марцінэс да Круз, міністар замежных справаў Партугаліі, якая зараз старшынюе ў АБСЭ. Напярэдадні гэтага міністар атрымаў ліст ад кіраўніка МЗС Беларусі Міхаіла Хвастова, у якім паведамляецца, што афіцыйны Менск “гатовы да пачатку новых афіцыйных перамоваў”.
Радыё Свабода зьвязалася зь Венай і пацікавілася ходам перамоваў. Аказалася, што перамовы так і не пачаліся. “Насамрэч, плянуецца, што перамовы АБСЭ зь Беларусьсю пачнуцца на гэтым тыдні. Пакуль яшчэ не зусім зразумела, на якую дату іх прызначыць прадстаўніцтва АБСЭ, прадстаўленае Партугаліяй. Наколькі мне вядома, зь беларускага боку, магчыма, будзе ўдзельнічаць сталы прадстаўнік Беларусі ў АБСЭ Віктар Гайсёнак, а з боку АБСЭ ўзровень прадстаўніцтва таксама яшчэ будзе вызначацца старшынствам”, -- паведаміў Аляксандар Ніцшэ, прадстаўнік аддзелу для сувязяў з прэсай і грамадзкасьцю Сакратарыяту АБСЭ ў Вене.
, iнформэр
