Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Нямецкая філія праваабарончай арганізацыі “Міжнародная амністыя” заклікала жыхароў Нямеччыны дасылаць Аляксандру Лукашэнку лісты з патрабаваньнем неадкладна вызваліць журналістаў газэты “Пагоня” Міколу Маркевіча й Паўла Мажэйку і адмяніць прысуд рэдактару газэты “Рабочы” Віктару Івашкевічу.
Аляксандар Лукашэнка лічыць, што прыняты ў рэспубліцы закон “Аб свабодзе вераспавяданьняў і рэлігійных арганізацыях” зьяўляецца “своевременным и продвинутым законом, который де-юре и де-факто ставит все на свои места”. “Мы вызначылі, якое месца займаюць тыя ці іншыя рэлігійныя арганізацыі ў нашай дзяржаве”, -- патлумачыў А.Лукашэнка ў часе сустрэчы з чальцамі Сіноду Беларускай праваслаўнай царквы.
У пэрыяд з 13 па 18 лютага 2002 году адбудуцца візыты афіцыйнай беларускай дэлегацыі на чале зь міністрам замежных справаў Міхаілам Хвастовым у Сырыйскую Арабскую Рэспубліку (14-15 сьнежня 2002 году) і Ярданскае Хашыміцкае Каралеўства (16-17 сьнежня 2002 году). Як паведаміў на брыфінгу намесьнік начальніка кіраваньня інфармацыі МЗС Беларусі Андрэй Савіных, гэтыя візыты наладжаныя па запрашэньні міністраў замежных справаў Сырыі і Ярданіі.
Хто блюзьнерыць? 12:57, 12/12/2002, Вольга Грынявіцкая, “Народная воля”
Нячаста мы, журналісты, бярэм інтэрвію ў сваіх калег. Яшчэ радзей -- у калег вышэйшай рангі. На гэты раз мы ўсё ж такі вырашылі патэлефанаваць старшыні Нацыянальнай тэлерадыёкампаніі Ягору Рыбакову, а таксама старшыні кіраваньня ЗАТ «Другі нацыянальны тэлеканал” Рыгору Кісялю й генэральнаму дырэктару СТВ Аляксандру Зімоўскаму. Першае пытаньне прагучала так: “Скажыце, калі ласка, ці білі б вы ва ўсе званы ў выпадку зьнікненьня Вашай жонкі ці Вашага дзіцёнка?”
Яны – гэта тыя, хто ўжо ня першы раз ганьбіць помнік ахвярам палітычных рэпрэсіяў у Бабруйску. Мы ня ведаем вандалаў у твар – яны дзейнічаюць баязьліва, цішком. Але можна не памыліцца, калі сьцьвярджаць: гэта — спадкаемцы тых, хто ў 30-ыя страляў, катаваў, кідаў у турмы й высылкі мноства ні ў чым невінаватых суграмадзян і для каго няма нічога страшней за праўду. Таму яны і падымаюць блюзьнерскую руку на Памяць.
10 сьнежня адміністрацыя Фрунзенскага раёну горада Менска зьбірала кіраўнікоў рэлігійных супольнасьцей, зарэгістраваных у гэтым раёне, дзеля азнаямленьня з новым заканадаўствам у сфэры свабоды сумленьня. На паседжаньні прысутнічала начальнік аддзелу Менгарвыканкама ў справах рэлігіі і нацыянальнасьцяў Ала Рабіцава. Пад час сустрэчы Ала Рабіцава паведаміла прысутным, што ад гэтага часу правядзеньне хатніх групаў па вывучэньні Бібліі павінна праходзіць толькі пасьля атрыманьня дазволу ад мясцовых уладаў, бо хатнія групы гэта тыя ж самыя набажэнствы.
У часе фармаваньня тэрытарыяльных выбарчых камісіяў для правядзеньня выбараў у мясцовыя Саветы дэпутатаў удалося максымальна задзейнічаць увесь спэктар палітычнага грамадзтва, лічыць сакратар ЦВК Беларусі Мікалай Лазовік. Паводле ягоных словаў, на дадзены момант у Беларусі сфармавана 1.673 камісіі, зь іх сельскіх - 1.440, месьцячковых - 78, 117 - раённых. Усяго па рэспубліцы ў тэрытарыяльных камісіях задзейнічана 13.448 чалавек. Большую частку складаюць жанчыны - 72,6%. Узрост сябраў камісіяў у асноўным сярэдні, толькі 11% ад агульнага складу - асобы маладзей за 30 гадоў. Што да палітычных партыяў Беларусі, то, паводле Лазовіка, яны прадстаўленыя 61 чалавекам. Паводле дадзеных ЦВК, ад КПБ у склад камісіяў увайшоў 21 чалавек, ад ПКБ - 19 чалавек, ад Народнай Грамады - 5, ад ЛДПБ - 11, ад Аграрнай партыі - 2, ад Аб’яднанай грамадзянскай партыі, Беларускай патрыятычнай партыі й Сацыял-дэмакратычнай партыі народнай згоды - па 1 чалавеку.
Вязьня Івацэвіцкай калёніі Аляксандра Чыгіра днямі пад аховай прывезьлі ў Менск і прад’явілі яму новае абвінавачаньне. Гэтым разам Аляксандар Чыгір, які быў асуджаны за ўдзел у крадзяжы аўтамабіляў, абвінавачваецца ў незаконнай прадпрымальніцкай дзейнасьці. Калі справа дойдзе да суду і сына былога прэм’ера прызнаюць вінаватым, ён атрымае тры гады турмы.
У Магілёўскай вобласьці завершаны працэс стварэньня 221 тэрытарыяльнай выбарчай камісіі па выбарах дэпутатаў мясцовых Саветаў 24-га скліканьня. У склад камісіяў увайшлі 1.982 чалавек. Сярод іх сябраў палітычных партыяў толькі трое, з грамадзкіх арганізацыяў – 27 чалавек. У прыватнасьці, у склад абласной выбарчай камісіі ўвайшоў прадстаўнік Лібэральна-дэмакратычнай партыі, Магілёўскай гарадзкой выбарчай камісіі – прадстаўнік Партыі камуністаў Беларускай, Краснапольскай раённай камісіі – сябра Камуністычнай партыі Беларусі.
У Віцебскай вобласьці сфармавана 296 тэрытарыяльных выбарчых камісіяў па выбарах у мясцовыя Саветы дэпутатаў. У іх склад увайшлі 2.295 чалавек. Як паведаміў БелаПАН першы намесьнік начальніка ўпраўленьня арганізацыйна-кадравай працы Віцебскага аблвыканкаму Ўладзімер Севярын, ад палітычных партыяў у склад тэрытарыяльных выбаркамаў уключана 16 чалавек.
Напярэдадні каталіцкіх Калядаў некалькі дзясяткаў тысячаў імігрантаў будуць спрабаваць перайсьці беларуска-польскую мяжу. Беларускія памежнікі, міліцыянты й войскі атрымалі загад спыніць на некалькі дзён патруляваньне мяжы з Польшчай. Нелегальны плян перакіду ўцекачоў падрыхтаваў беларускі КДБ, -- пра гэта паведамляе ў артыкуле “Лавіна Лукашэнкі” самы масавы аўтарытэтны польскі штотыднёвік “Wprost”.
У мех апрануцца да Новага году маюць шанец калгасьнікі калгасу “Дружба” Ліёзьненскага раёну. Прадукцыяй мясцовай зьверафермы ў гаспадарцы намерваюцца пакрыць запазычанасць па заробку. З пачаткам маразоў пачынаецца забіў на ферме, дзе вырошчваецца каля двухсот чорна-бурых лісаў, прызначаных для падтрымкі эканомікі калгасу. Пасьля апрацоўкі жывое “срэбра” трапіць на продаж. Да 70 адсоткаў скурак чорнабурых лісаў оптам забіраюць расейскія скупшчыкі, а частка рэалізуецца ўнутры гаспадаркі, у тым ліку і ў якасьці натурплаты.
Пастановаю Савету Міністраў у Беларусі павялічаныя з 5 да 30 адсоткаў адлічэньні ў рэспубліканскі бюджэт часткі прыбытку двух прадпрыемстваў Беларускага дзяржаўнага канцэрну па нафце й хіміі – “Гомельтранснафта “Дружба” і наваполацкага прадпрыемства па транспарту нафты “Дружба”.
З 1 студзеня 2003 году грамадзяне Беларусі змогуць выехаць у Латвію й Літву толькі пры наяўнасьці візаў. Як паведаміў БЕЛТА прэсавы сакратар МУС Зьміцер Партон, асобы, якія накіроўваюцца праз Літву ў Калініградзкую вобласьць любым відам транспарту таксама павінны мець літоўскую транзытную візу. Яе беларусы могуць атрымаць у літоўскай амбасадзе ў Менску й генконсульстве Літвы ў Горадні.
Міжведамственная камісія па міжнародным гандлі Ўкраіны пачала антыдэмпінгавае расьсьледаваньне адносна імпарту запалак з Расеі й Беларусі. Як паведамілі РІА "Новости" ў камісіі, расьсьледаваньне распачалося на падставе скаргі Ровенскай запалкавай фабрыкі. Гэтае прадпрыемства заявіла аб пагаршэньні свайго фінансавага становішча ў выніку значнага росту дэмпінгавага імпарту на Ўкраіну расейскіх і беларускіх запалак. Цягам бліжэйшага месяца Міністэрства эканомікі і па пытаньням эўрапейскай інтэграцыі Ўкраіны будзе праводзіць адпаведнае расьсьледаваньне.
Летась Глубоцкі малочна-кансэрвавы камбінат, які выпускае добра вядомае жыхарам Беларусі й Расеі згушчонае малако, адзначыў трыццацігодзьдзе і зарабіў па выніках году каля 1,5 млрд. бел. руб. Нічога не прадвяшчала таго, што ўсяго праз год, да моманту продажу буйнога пакету акцыяў ААТ, страты прадпрыемства дасягнуць амаль 1 млн. даляраў і мноства людзей пачне ламіць галаву над вечным пытаньнем “хто вінаваты?”
Першы сёлета чэкавы аўкцыён урад плянаваў правесьці ў канцы году. Аднак адпаведнай аб’явы так і не зьявілася. Да фінішу застаецца менш за месяц і Фонд дзяржаўнай маёмасьці ўжо ніяк не пасьпее правесьці адкрытыя таргі за прыватызацыйныя чэкі.
У адрас беларускай федэрацыі футболу трапіў ліст за подпісам В.Ганчарова, дырэктара кампаніі Montrade Inc., дыстрыбутара Field Turf у Расеі й краінах СНД. У лісьце выказваецца занепакоенасьць эксплюатацыяй штучнага пакрыцьця ў футбольным манежы Менску.
Беларускі ўрад адхіліў ад сваіх пасадаў кіраўнікоў 6 буйных прадпрыемстваў – кіраўніка Сьветлагорскай птушкафабрыкі (В.Грамовіч), Клецкага заводу кансэрваў (Н.Буката), наваполацкага прадпрыемства “Вымяральнік” (Ю.Рэшка), менскага заводу “Тэрмапласт” (А.Карпіловіч), Жлобінскай швачнай фабрыкі (С.Серада), Гомельскага камбінату будаўнічых канструкцыяў (В.Рэнчыкаў) і ДЭХ КУПП ЖКХ г.Пінску (В.Калодзіч). Як паведаміў РІА “Новости” прэсавы сакратар прэм’ер-міністра Беларусі Іван Знаткевіч, такое рашэньне Прэзыдыюм Савету Міністраў краіны прыняў у сувязі з “безадказным падыходам гэтых кіраўнікоў да выкананьня службовых забавязкаў і незахаваньнем імі дысцыпліны па разьліках за спажытыя энэргарэсурсы”.
, iнформэр
