Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Былы амбасадар Беларусі ў Японіі вярнуўся ў Менск 14:35, 16/12/2002, Газета.Ru
Былы амбасадар Беларусі ў Японіі Пётар Краўчанка, вакол якога нядаўна разгарэўся скандал, вярнуўся на радзіму. Пра гэта ў панядзелак паведаміў намесьнік начальніка ўпраўленьня інфармацыі МЗС рэспублікі Андрэй Савіных.
Краўчанка быў вызвалены ад пасады амбасадара ў Токіо ўказам Аляксандра Лукашэнкі ад 19 лістапада ў сувязі з завяршэньнем тэрміну камандзіроўкі. Скандал вакол яго распачаўся ў сьнежні сёлетняга году ў сувязі з супярэчлівымі чуткамі аб намерах адстаўнога дыплямата вылучыць сваю кандыдатуру на наступных прэзыдэнцкіх выбарах у Беларусі. Перад гэтым у заходніх СМІ зьявіліся паведамленьні пра тое, што экс-амбасадар не жадае вяртацца на радзіму. Аднак сам Краўчанка абверг гэтыя зьвесткі. Паводле Савіных, згодна афіцыйнай пазыцыі МЗС, Краўчанка пакінуў краіну часовага знаходжаньня ў сувязі з сканчэньнем тэрміну камандзіроўкі. Між тым, як раней заявілі ў міністэрстве, “далейшы лёс дыплямата будзе вызначацца не ў МЗС, а на больш высокім узроўні”.
