Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дабіцца поўнай платы за энэргарэсурсы так і не ўдалося 11:36, 16/12/2002
Сельскія гаспадаркі й прадпрыемствы рэспубліканскай формы ўласнасьці значна палепшылі аплату за энэргарэсурсы. Як паведаміў карэспандэнту БЕЛТА начальнік упраўленьня энэргетыкі й транспарту Мінсельгасхарчу Аляксандар Равінскі, у лістападзе аплочана 87,2 адсоткі спажытай электраэнэргіі і 96,7 адсоткі выкарыстанага прыроднага газу. Гэтыя паказчыкі, несумненна, вышэй за тыя, што былі ў сельскіх прадпрыемстваў раней. Аднак дабіцца поўнай аплаты за энэргарэсурсы так і не ўдалося. Перад кіраўнікамі сельскіх прадпрыемстваў пастаўленая задача за апошнія дні сьнежня забясьпечыць плату за два апошнія месяцы.
Дарэчы, паводле словаў Аляксандра Равінскага, першымі да гэтага ўжо наблізіліся прадпрыемствы Берасьцейскай вобласьці. Яны ж лідзіруюць і па аплаце за прыродны газ. На Гарадзеншчыне, дзе больш за ўсё газафікавана сельгаспрадпрыемстваў, аплата пакідае жадаць лепшага.
