Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На выбары ў мясцовыя саветы Партыя БНФвылучыла 200 чалавек 10:58, 17/12/2002
Сьпіс кандыдатаў з 200 чалавек ад Партыі БНФ на надыходзячыя выбары ў мясцовыя Саветы быў заснаваны на чарговым сойме партыі, што прайшоў 14 сьнежня ў Менску.
На сойме была прынятае заява аб спыненьні ўдзелу Партыі БНФ ў паседжаньнях Каардынацыйнай рады апазыцыйных палітычных партыяў, бо перадвыбарчыя задачы, якія ставіліся перад КРАПП, страцілі сэнс, перадае БелаПАН. “Разам з тым, мы абавязаныя выканаць рашэньні, прынятыя намі ў рамках КРАПП, і працягваем кансультацыі з дэмакратычнымі партыямі па канкрэтных пытаньнях палітычнага жыцьця. Партыя БНФ лічыць за неабходнае будаваць доўгатэрміновую кааліцыю на аснове Кардынацыйнай рады дэмакратычных сілаў”, -- гаворыцца ў заяве. Выступаючы на сойме, лідэр Партыі БНФ Вінцук Вячорка адзначыў, што ў сытуацыі з будаўніцтвам “саюзнае дзяржавы” Беларусі й Расеі адбыўся кардынальны пераварот. Гэтую ідэю фактычна адвяргаюць зараз ужо Масква й Менск. Тым не менш, адзначыў Вячорка, ёсьць небясьпека “ажыцьцяўленьня цынічных і прагматычных сцэнараў, зьвязаных, перш за ўсё, з прыватызацыяй беларускіх прадпрыемстваў расейскім капіталам”.
