Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Новыя графіці “Ён павінен сысьці!” зьявіліся на выходныя ў шматлікіх месцах уздоўж чыгункі і аўтамабільных дарог берасьцейскага накірунку 12 сьнежня. У буйных населеных пунктах, такіх як Дзяржынск, Негарэлае і Стаўбцы на платах і старых будынках таксама былі пакінутыя аналігічныя надпісы.
Нагадаем, што на мінулым тыдні некалькі дзясяткаў тысяч новага выпуску газэты “ЗУБР” з лёзунгам “Ён павінен сысьці!” распаўсюджваліся на вуліцах Менску, а таксама сталічных ВНУ. Раздача газэты прайшла на рынках Берасьці, каля тысячы асобнікаў былі распаўсюджаныя па Наваполацку й Полацку. Зьявіліся газэты “ЗУБР” і ў паштовых скрынях ў некалькіх раёнах Гомлі. У шасьці гарадох Менскай вобласьці: Барысаве, Жодзіна, Крупках, Мар’інай Горцы, Маладэчне і Пухавічах актывісты ЗУБРа распаўсюдзілі 100 тысячаў асобнікаў спэцвыпуску газэты “Барысаўскія навіны”, прысьвечаны сацыяльным праблемам гэтага рэгіёну. Акрамя газэт на сьценах гэтых гарадоў зьявіліся ўлёткі з лёзунгам “Ён павінен сыйсьці!” і аналягічныя графіці.
