Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Віктар Івашкевіч працуе кур’ерам у недзяржаўнай баранавіцкай газэце “Intex-press”. Як паведамляе Радыё Рацыя, начальства спэцкамэндатуры, у якой адбывае пакараньне галоўны рэдактар “Рабочага”, ня мае нічога супраць, каб журналіст уладкаваўся ў газэту.
Жахлівыя прадчуваньні апазыцыі працягваюць ажыцьцяўляцца. У пэрыяд з 14 па 16 сьнежня выканкамы й прэзыдыюмы мясцовых Саветаў стварылі акруговыя выбарчыя камісіі. Кіраўнік ЦВК Лідзія Ярмошына на сваёй прэсавай канфэрэнцыі адзначала, што гэтыя камісіі ствараюцца толькі для выбараў у абласныя Саветы.
У Беларусі пачалося фармаваньне ініцыятыўных групаў па вылучэньні кандыдатаў у дэпутаты мясцовых Саветаў. Пра гэта ў аўторак "Интерфаксу" паведаміла старшыня Цэнтральнай камісіі па выбарах й правядзеньні рэспуліканскіх рэферэндумаў Лідзія Ярмошына. Паводле ейных словаў, ужо з 22 сьнежня пачынаецца вылучэньне кандыдатаў у дэпутаты мясцовых Саветаў. Старшыня ЦВК праінфармавала, што канчатковы тэрмін вылучэньня кандыдатаў 20 студзеня.
Галоўны рэдактар беларускай апазыцыйнай газэты “Рабочы” Віктар Івашкевіч, асуджаны да двух гадоў абмежаваньня волі за паклёп і абразу Аляксандра Лукашэнкі, пачаў адбываць пакараньне ў спэцкамэндатуры гораду Баранавічы (Берасьцейская вобласьць). Як паведаміў ІА "Росбалт" асуджаны, сёньня ён пачаў шукаць працу. “Да мяне як да палітычна ауджанага стаўленьне добразычліва-асьцярожнае”, -- адзначыў Віктар Івашкевіч. Галоўны рэдактар “Рабочага” спадзяецца ўладкавацца ў Баранавічах на пасаду тэхнічнага супрацоўніка мясцовай недзяржаўнай газэты Intex-press.
Аляксандар Лукашэнка 17 сьнежня прыняў з дакладам Генэральнага пракурора Віктара Шэймана. Генэральны пракурор паведаміў кіраўніку дзяржавы аб стане законнасьці й правапарадку ў рэспубліцы, выніках працы, зробленай органамі пракуратуры за мінулы тыдзень.
Упраўленьне ваеннай контрвыведкі ў складзе Камітэту дзяржаўнай бясьпекі (КДБ) Беларусі ў 2002 годзе фіксавала павышаную ўвагу замежных спэцслужбаў да навукова-ваеннага патэнцыялу Беларусі. Пра гэта ў аўторак паведаміў карэспадэнту "Интерфакса" начальнік упраўленьня ваеннай контрвыведкі КДБ палкоўнік Ігар Кузьняцоў.
Эстонія, Латвія й Літва – так будзе называцца новы падаткавы рай ЭЗ. Каб прыцягнуць інвэстараў, усе тры балтыйскія дзяржавы ўзялі за ўзор Ірляндыю, дзе пасьпяхова прайшлі гэты яшлях раней. І зараз у Ірляндыі зьявіліся моцныя канкурэнты.
Дарадца па культуры амбасады Беларусі ў ЗША Аляксандар Хмурэц стаў чарговым невяртанцам. Як патлумачылі ў МЗС Беларусі аказваецца, гэты кадар яшчэ ў ліпені здаў свае справы належным чынам. Пра далейшае знаходжаньне ўжо былога дыплямата ў замежнапалітычным ведамстве нічога ня ведаюць. Паводле некаторых дадзеных, ён застаўся ў ЗША і знайшоў працу. Гэтую інфармацыю пацьвердзіў і намесьнік начальніка ўпраўленьня інфармацыі Андрэй Савіных. Прычыны такога ўчынку пакуль застаюцца невядомымі. Але той факт, што ўлады да гэтага часу замоўчваюць гісторыю з Аляксандрам Хмурцом, вымушае меркаваць, што прычыны маглі насіць і палітычны характар.
Аўкцыён па продажу дзяржаўнага пакету акцыяў нафтавай кампаніі “Славнефть” адбыўся. Дзяржпакет у 74,95% акцыяў сышоў усяго за 1,86 млрд дал. Пакупніком стала ААТ “Инвестойл”, якім на парытэтных пачатках валодаюць кампаніі “Сибнефть” і ТНК. Таргі завершыліся ўжо праз 5 хвілінаў пасьля адкрыцьця аўкцыёну і праходзілі дастаткова млява.
За 11 месяцаў сёлетняга году на вытворчасьці ў Беларусі загнулі 211 работнікаў, а траўмы рознай ступені цяжкасьці атрымалі больш за 600 чалавек. Паводле дадзеных дэпатамэнту дзяржаўнай інспэкцыі працы, 40% зь ліку траўміраваных і загінулых знаходзіліся ў стане алькагольнага апьяненьня. Аднак асноўнай прычынай траўматызму на вытворчасьці, адзначаюць у Дэпартамэнце, па-ранейшаму застаецца няспраўнасьць тэхнікі і неадпаведнасьць патрабаваньням бясьпекі тэхналягічнага абсталяваньня.
Шэраг сур’ёзных парушэньняў выяўлены супрацоўнікамі Камітэту дзяржкантролю на прадпрыемствах жыльлёва-камунальнай гаспадаркі Берасьцейшчыны. Паводле дадзеных прэсавага цэнтру дзяржкантролю па Берасьцейскай вобласьці, практычна на кожным з 19 прадпрыемстваў ЖКГ, якія падвергліся праверцы апошнім часам, выяўленыя розныя парушэньні. Самыя тыповыя зь іх зьвязаныя з упушчанымі даходамі праз незаконную падачу ільгот па арэнднай плаце, ігнараваньнем падаткавага заканадаўства і нарматыўных актаў, завышаным кошце паслуг, неабгрунтавана выплачаным заробку шэрагу работнікаў.
У сярэднем ў два разы павялічыцца памер зямельнага падатку для грамадзян-землеўласьнікаў у 2003 годзе ў параўнаньні зь сёлетнім годам. Такая сутнасьць праекту закона “Аб унясеньні зьменаў і дапаўненьня ў Закон Рэспублікі Беларусь “Аб плаце за зямлю”, прынятага “палатай прадстаўнікоў” у другім чытаньні 11 сьнежня.
Звараны апошні “залаты” стык газапроваду Ямал-Эўропа. Пра гэта паведаміла ў аўторак кіраўнік прэсавай службы дзяржаўнага канцэрну “Белтрансгаз” Тацяна Бародзіч. Паводле яе, “беларускі ўчастак цягласьцю 575 км. злучыў у адзіную газатранспартную сыстэму польскі і расейскія ўчасткі газапроваду Ямал-Эўропа”.
Аўкцыён па продажу дзяржаўнага пакету акцыяў (74,95%) кампаніі “Славнефть” будзе праводзіцца ў сераду ў Маскве ў Расейскім фондзе федэральнай маёмасьці (РФФМ). Прыём заявак для ўдзелу ў аўкцыёне быў завершаны 15 сьнежня.
Ад удзелу ў аўкцыёне па продажу дзяржпакету акцыяў “Славнефти” на дадзены момант адхілена ЗАТ “Финанспрофит Эксперт”. Пра гэта паведамілі ў прэсавай службе “Роснефти”. Паводле словаў прадстаўніка прэсавай службы, адхіленьне прайшло па-за рамкамі вызначанай працэдуры. Кампаніі было прад’яўлена нематываванае вызначэньне суда, якое забараняе ўдзел ЗАТ “Финанспрофит Эксперт” у конкурсе.
Да 70% турыстычных фірмаў Горадні будуць вымушаныя закрыццца ў выніку падвышэньня арэндавых ставак. Такія адзінадушныя прагнозы экспэртаў. Выйграюць толькі тыя, хто працуе на ўласных плошчах. Аднак і для іх падзеньне канкурэнтаў ня стане пазбаўленьнем ад негатыўных тэндэнцыяў, якія перасьледуюць гарадзенскі турбізнэс у апошія гады.
Паважаныя супрацоўнікі рэдакцыі! Не магу не распавесьці пра свае трывогі. Сутнасьць вось у чым. Сёлета ў друку вельмі часта паўстае пытаньне аб адмене ільготаў. Зараз высьвятляеца, што ў бюджэце краіны на наступны год ім амаль няма месца. Разумела, трэба эканоміць. Толькі незразумела, чаму так востра стаіць пытаньне аб адмене многіх ільготаў для інвалідаў – самых уразьлівых членаў грамадзтва? Курс узяты на “адрасную” дапамогу. Добра, але ў нас такі затарможаны чыноўніцкі апарат, што нельга не задумацца над пытаньнем: а ці здолее ён зразумець праблемы кожнага чалавека? Адказ, думаю, адмоўны.
, iнформэр
