Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску абрабавалі былога амбасадара Іраку 10:52, 20/12/2002
У Цэнтральнай гарадзкой краме невядомы злачынца скраў партманэ ў надзвычайнага й паўнамоцнага амбасадара Іраку Дайса А.Ахмэда, які днямі пасьля завяршэньня місіі зьбіраўся адбыць у Багдад. У партманэ, які злачынца выцягнуў з кішэні амбасадара, ляжалі 800 амэрыканскіх даляраў і дакумэнты.
Дайс Ахмэд зьвярнуўся з заяваю ў міліцыю Савецкага раёну Менску. Па факту распачалі крымінальную справу. Як паведамляе Радыё Свабода, паўнамоцтвы ірацкага амбасадара завяршыліся на мінулым тыдні. Ён цёпла разьвітаўся з Аляксандрам Лукашэнкам і пасьля гэтага зьбіраўся ехаць у Ірак. Але зараз, хутчэй за ўсё, яму спатрэбіцца нейкі час, каб аднавіць свае дакумэнты.
, iнформэр
