Прадпрыемствы абавязалі плаціць за энэргарэсурсы “жывымі грашыма” :: Хартыя'97 :: Навiны

У Беларусі зацьверджаныя новыя нарматывы, якія абмяжоўваюць долю бартэра ў разьліках за прыродны газ, электрычную і цеплавую энэргію, паведамілі ва ўрадзе краіны. Як патлумачылі “Медиафакту” ў Савміне, гэткія меры прынятыя з мэтай скарачэньня неграшовага складніку ў разьліках за прыродны газ, электра- і цэплаэнэргію, бо высоўваюць больш жорсткія патрабаваньні да спажыўцоў у аплаце энэргарэсурсаў “жывымі” грашыма.

У адпаведнасьці з пастановаю ўраду №1738 ад 13 сьнежня 2002 году практычна для ўсіх міністэрстваў і ведамстваў межавыя мінімальныя нарматывы грашовай формы аплаты па разьліках за спажытыя прыродны газ, электра- і цэплаэнэргію, адпушчаныя арганізацыямі канцэрнаў “Белпаліўгаз”, і “Белэнэрга”, вызначаныя ў памеры 95%. Для прадпрыемстваў Мінскархітэктуры, канцэрнаў “Белместпрам” і “Беллегпрам” гэты паказчык складае 90%.
Згодна прынятаму дакумэнту межавыя нарматывы ўводзяцца ў дзеяньне з 1 сьнежня сёлетняга году і дзейнічаюць цягам месяца.
Як паведамілі ў канцэрне “Белэнэрга”, рэалізацыя гэтага дакумэнту павінна спрыяльна паўплываць на працу галіны, дазволіць вырабляць аплату за прыродны газ “жывымі” грашыма, а таксама накіроўваць частку сродкаў на рашэньне ўнутраных праблемаў энэргетыкі.
Паводле інфармацыі спэцыялістаў канцэрну, за адзінаццаць месяцаў сёлетняга году спажыўцы аплацілі “жывымі грашыма” 40,8% спажытай энэргіі пры агульным узроўні аплаты 95,5%.
Раней у Беларусі дзейнічалі межавыя нарматывы выкарыстаньня неграшовай формы спыненьня абавязацельстваў па разьліках за прыродны газ, электра- і цеплаэнэргію, вызначаныя пастановаю Савміна №1249 ад 12 верасьня 2002 году.