Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кожнае трэцяе прадпрыемства Гомельскай вобласьці стратнае 12:24, 26/12/2002
24 сьнежня дэпутаты Гомельскага абласнога Савету дэпутатаў на сэсіі разгледзілі працу аблвыканкаму ў 2002 годзе, абмеркавалі бюджэт і прагноз сацыяльна-эканамічнага разьвіцьця вобласьці на 2003 год. Паводле старшыні аблвыканкаму Аляксандра Якабсона, 143 прамысловыя прадпрыемствы дапусьцілі спад вытворчасьці, 4 адсоткі прадпрыемстваў стратныя, 3 прадпрыемствы прызнаныя банкрутамі. Да дысцыплінарнай адказнасьці прыцягнута 515 кіраўнікоў прадпрыемстваў, а тры дырэктары – ААТ “Камінтэрн”, “Гамельчанка” і Беларускага металюргічнага заводу – вызваленыя ад сваіх пасадаў.
Як паведамляе БелаПАН, вельмі складанае становішча ў аграпрамысловым комплексе Гомельскай вобласьці. З стратамі завяршаюць фінансавы год 296 (74%) з 398 сельскагаспадарчых прадпрыемстваў вобласьці. На разьвіцьцё АПК зь бюджэту з пачатку году было выдаткавана больш за Byb 100 млрд. Не выклікае аптымізму ва ўладаў і выкананьне абласнога бюджэту, у які ў агуле недапаступіла 40 млрд. бел.руб. Адзначалася значнае пагаршэньне выплаты заробнай платы, запазычанасьць па якой дасягала (у кастрычніку) 25 млрд. бел.руб. вырас узровень беспрацоўя – з 2,7 адсоткаў (у студзені 2002 году) да 3,3 адсоткі (у сьнежні). Сёньня ў вобласьці 22 тысячы беспрацоўных.
, iнформэр
