Рабочыя пагражаюць акцыямі пратэсту :: Хартыя'97 :: Навiны

Рабочыя ААТ “Пінскі завод кансэрваў” папярэджваюць аб аднаўленьні 27 сьнежня акцыі пратэсту, калі адміністрацыя прадпрыемства ня будзе выконваць патрабаваньні працоўнага калектыву. Стыхійная акцыя пратэсту прыйшла на заводзе 23 сьнежня – людзі выйшлі на працу, але не пачалі яе. Прычынай стала затрымка заробнай платы за пяць месяцаў і нявыплата адпускных. Рабочыя папярэдзілі сваё начальства, што не пакінуць завод да таго часу, пакуль ім ня выдадуць грошы, і застануцца начаваць у цэхах, перадае БелаПАН.

У канцы працоўнага дня на прадпрыемства прыехалі першыя асобы з Пінскага райвыканкаму, рэгіянальнага камітэту дзяржкантролю і абласнога камунальнага ўнітарнага прадпрыемства “Брестплодоовощпром”. Перамовы з кіраўніцтвам не прынесьлі вынікаў. Чыноўнікі запрасілі для пермоваў дзесяць прадстаўнікоў працоўнага калектыву, спрбаючы ўгаварыць іх спыніць забастоўку.
Рабочых абурала некалькі фактаў: тое, што былы дырэктар пры звальненьні атрымаў поўны разьлік наяўнымі грашыма: тое, што прамысловыя і харчовы тавары, якія прывозяцца на завод па бартэру і выдаюцца заместа заробку, дастаюцца толькі работнікам кіраўніцтва, а рабочым застаецца выбар у выглядзе прадукцыі заводу – кансэрваваных баршчоў, таматнага соўсу дый бярозовага соку. А 20 гадзіне чыноўнікі ня вырашылі праблему, пакінулі тэрыторыю заводу, а рабочыя разышліся па дамох зь цьвёрдым намерам на наступны дзень зноў не распачынаць працу. Аднак раніцай 24 сьнежня да іх выйшаў дырэктар заводу і паабяцаў знайсьці грошы і папрасілі людзей узяцца за свае абавязкі. Рабочыя прыступілі да працы і папярэдзілі, што ў выніку невыкананьня гэтага абяцаньня, акцыя пратэсту адновіцца 27 сьнежня.