Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністар даў справаздачу аб барацьбе з карупцыяй 11:07, 27/12/2002
У 2002 годзе ў краіне зарэгістравана каля 130 тысячаў злачынстваў, і гэта на 18% болей, чым у 2001 годзе, заявіў у чацьвер на прэсавай канфэрэнцыі ў Менску міністар унутраных справаў Беларусі генэрал-маёр Уладзімер Навумаў. У сфэры эканомікі, паводле дадзеных МУС, сёлета ў Беларусі міліцыя раскрыла больш за 18 тысячаў злачынстваў. Распачата больш за 5,5 тысячаў крымінальных справаў аб фактах крадзяжу й растраты маёмасьці, зарэгістравана 2,4 тысячаў фактаў фальшаваньня грошай, каля 1,2 тысячаў выпадкаў хабарніцтва.
Павелічэньне колькасьці зарэгістравных злачынстваў міністар зьвязвае з “больш прынцыповай ацэнкай”, больш жорсткай улікова-рэгістрацыйнай дысцыпліны, а таксама з новым крымінальным заканадаўствам і больш жорсткімі патрабаваньнямі да парадку прыёму й рэгістрацыі –заяваў грамадзян. У сувязі з гэтым Уладзімер Навумаў адзначыў, што хутка Беларусь можа стаць адной зь першых дзяржаваў СНД, дзе міліцыя будзе ўлічваць усе заявы ад грамадзянаў, незалежна ад ступені нанесенага ім урону. У сувязі з гэтым у будучыні магчымы яшчэ большы прырост колькасьці зарэгістраваных правапарушэньняў.
, iнформэр
