Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У 2003 годзе адбудзецца рост коштаў на прадукты харчаваньня і вопратку, а таксама тарыфаў на квартплату і энэрганосьбіты. Такую думку выказалі, адпаведна, 88 і 87 адсоткаў менчукоў падчас апытаньня грамадзкае думкі, праведзенага 22-25 сьнежня 2002 году супрацоўнікамі сацыялягічнай службы “Зеркало” інфармацыйнай кампаніі БелаПАН.
На анкету адказалі 500 рэспандэнтаў ад 18 гадоў і старэй. Большасьць зь іх прагназуюць у новым годзе рост беспрацоўя (62 адсоткі), злачыннасьці і карупцыі (56 адсоткаў), а таксама парушэньняў правоў чалавека (53 адсоткі) у сваёй краіне. Каля траціны – павелічэньне падаткаў за карыстаньне зямлёй (34 адсоткі), рэфэрэндума аб зьмяненьні тэрмінаў знаходжаньня на пасадзе прэзыдэнта Беларусі (30 адсоткаў) і прыватызацыі дзяржаўнай уласнасьці (29 адсоткаў).
