Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У 2002 годзе ў Беларусі на пажарах загінулі больш за 1200 чалавек 14:29, 09/01/2003
Летась у Беларусі на пажарах загінула 1 тыс. 272 чалавекі. Пра гэтым як паведамілі карэспандэнту "Росбалт" у МЧС рэспублікі, сярод загінулых 86 дзяцей. Акрамя гэтага, розныя траўмы і апёкі на пажарах атрымалі 453 беларуса.
У 2002 годзе пажарныя краіны ліквідавалі больш за 36 тысяч пажараў, уратавалі і эвакуявалі звыш 8500 чалавек, прадухілілі зьнічтажэньне вагнём 13 тыс. 700 збудаваньняў, 1 тыс. 250 адзінак тэхнікі. Як адзначылі ў міністэрстве, летась асноўнымі прычынамі гібелі людзей на пажарах па-ранейшаму заставалася неасьцярожнае абыходжаньне з вагнём, парушэньне правілаў эксплюатацыі электрасетак і электраабсталяваньня, пячнога абсталяваньня і цеплавых агрэгатаў. Першы тыдзень новага году ў пляне пажарнай абстаноўкі не прынёс нечаканасьцяў. Як і летась, у навагодні тыдзень на пажарах у Беларусі загінула 70 чалавек. Пажарныя аварыйна-ратавальныя падразьдзелы ліквідавалі 353 пажары, 6 аварыяў, у час працы пажарных уратавана і эвакуявана 58 чалавек, матэрыяльных каштоўнасьцяў на суму звыш 170 тысяч даляраў. За першыя сем дзён новага году вагнём зьнічтожана 56 і пашкоджана 221 збудаваньне.
, iнформэр
