Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Былы рэктар Гомельскага мэдычнага інстытута, прафэсар Юры Бандажэўскі, асуджаны беларускім судом да васьмі гадоў пазбаўленьня волі, уганараваны званьнем Ганаровага грамадзяніна французскага горада Клермонт-Феранд (горада-пабраціма Гомелю) за працу па вывучэньні наступстваў Чарнобыльскае катастрофы. Пра гэта паведамляецца ў лісьце, дасланым сям’і вядомага навукоўцы мэрам гораду Клермонт-Феранд Сэржам Гадардам. Сп.Гадард таксама запрасіў жонку і дачку Юры Бандажэўскага ў Клермонт-Феранд, дзе ім уручаць узнагароду для прафэсара. Арганізацыяй візыту, як вынікае зь ліста, будзе займацца амбасада Францыі ў Беларусі.
Галяндзкае аддзяленьне міжнароднай праваабарончай арганізацыі Amnesty Іnternational разьмесьціла на сваім веб-сайте зварот, у якім зьмяшчаецца патрабаваньне высьвятліць праўду аб лёсах зьніклых беларускіх апазыцыянэраў – Зьмітра Завадзкага, Юры Захаранкі, Віктара Ганчара і Анатоля Красоўскага.
У 2003 годзе ў Багдадзе пройдуць “Дні культуры Беларусі”, а ў Менску – “Дні культуры Ірака”. Дамоўленасьць пра гэта, як паведамляе “БДГ”, дасягнутая ў часе нядаўняе сустрэчы беларускага міністра культуры Леаніда Гуляка з амбасадарам Ірака ў Менску Сальманам Зэйданам.
13 студзеня аднавіў працу тэхнічны пэрсанал менскага офісу АБСЭ. Замежныя супрацоўнікі новае місіі Арганізацыі па бясьпецы і супрацоўніцтву ў Эўропе павінны распачаць працу 3 лютага. Пра гэта БелаПАН паведаміў памочнік па пытаньнях праграмаў беларускага бюро АБСЭ Зьміцер Аляшкевіч.
Чарговую перарэгістрацыю павінны будуць прайсьці ўсе беларускія тэле- й радыёстанцыі да 1-га чэрвеня. Разьмяркоўваць частоты й выдаваць ліцэнзіі на вяшчаньне цяпер будзе не Міністэрства сувязі, а Міністэрства інфармацыі на чале з М.Падгайным. Адпаведная Пастанова Савету Міністраў падпісана асабіста Г.Навіцкім 30-га сьнежня 2002 г. Юрысты Беларускай асацыяцыі журналістаў ужо сёньня выказваюць асьцярогі, што дзеяньне гэтае Пастановы прывядзе да істотнага скарачэньня колькасьці недзяржаўных электронных СМІ.
Трэці акт 14:08, 13/01/2003, Генадзь Бураўкін, адмыслова для "Белорусских новостей"
У сумятні, звоне, зіхценьні, задусе і тлуме пераднавагодніх і перадкалядных клопатаў, сярод сьвяточных папулісцкіх віншаваньняў і ўзьнёслых усенародных тостаў неяк згубілася, як мне здалося, кароткае паведамленьне аб прыездзе ў Менск у канцы студзеня прэзыдэнта Расеі Ўладзімера Пуціна. Не пачуў я і не прачытаў нідзе ў сувязі з гэтай далёка не радавой падзяй ні сур`ёзных камэнтараў вядомых палітыкаў, ні разваг заўсёды гаваркіх палітолягаў, ні меркаваньняў бойкіх журналістаў. Далібог, маючым адбыцца візітам Паўла Барадзіна ці Генадзя Селязнёва ў праграмах нашай тэлевізіі і на старонках афіцыйных газэт надавалася больш увагі.
Аддзяленьне арганізацыі Amnesty International (“Міжнародная амністыя”) у Нямеччыне накіравала Генэральнаму пракурору Беларусі Віктару Шэйману ліст з заклікам “неадкладнага вызваленьня журналістаў”, асуджаных за публікацыю крытычных матэрыялаў пра Аляксандра Лукашэнку.
Менскі гарадзкі суд пакараў міліцыянтаў Аляксандра Белага і Максіма Астраўлянчыка пазбаўленьнем волі на 15 гадоў. Гэтыя былыя супрацоўнікі ізалятара часовага ўтрыманьня зьбілі затрыманага Мікалая Нагорнага. Суд высьвятліў, што Аляксандар Белы і Максім Астраўлянчык зьбівалі яго цягам шасьці гадзінаў, пакуль не забілі. Судмэдэкспэрты зафіксавалі мноства пераломаў і крывазьліцьцяў.
Судовыя слуханьні адносна былога прэзыдэнта канцэрну “Белхарчпраму” Віктара Казека і ягонага сына Андрэя Казека – начальніка аддзелу збыту РУП “Мінск Крышталь”, заплянаваны на сакавік сёлетняга году ў Менскім гарадзкім судзе. Пра гэта карэспандэнту БЕЛТА паведамілі ў канцылярыі суда.
У 1994 годзе, у час пралёту над Беларусьсью, пілёты фінскага пасажырскага самалёту, які ляцеў чартарным рэйсам з Гэльсынкі на выспу Радос, бачылі перад носам самалёту прадмет падобны на ракету. Як перадае карэспандэнт РІА “Новости”, згодна паведамленьню буйнейшай газэты Фінляндыі “Гэльсынгін санамат”, кіраўніцтва авіякампаніі “Фінэйр” і Дзяржаўнае кіраваньне паветраных перавозак з прычыны “далікатнасьці пытаньня” палічылі мэтазгодным не агучваць здарэньне. Паводле газэты, аэробус А-3000 быў поўны пасажырамі і ляцеў на вышыні каля 10 км у той момант, калі абодва пілёты ўбачылі іскры з сопла ракеты. Капітан самалёту праінфармаваў дыспэтчарскую службу Менску пра ракету, што паднялася перад ляйнэрам. У адказ прагучала толькі паведамленьне аб прыёме інфармацыі.
У Беларусі адмененыя індывідуальныя падаткавыя і мытныя ільготы для прадпрыемстваў, а таксама ўводзіцца сыстэма дзяржаўнай падтрымкі для юрыдычных асобаў і індывідуальных прадпрымальнікаў. Як паведаміла прэсавая служба кіраўніка дзяржавы, пра гэта гаворыцца ў падпісаным Аляксандрам Лукашэнкам указе.
Зь лютага ўладальнікі асабістага аўтатранспарту будуць плаціць грошы пры карыстаньні галоўнай магістральлю краіны Брэст-Масква. Зараз гэтае правіла дзейнічае для замежных турыстаў і грузавых аўто. Для тых, хто жадае сэканоміць, распрацаваная альтэрнатыўная схема бясплатнага маршрута.
Камэнтуючы асобныя палажэньні дэкрэту “Аб дзяржаўным рэгуляваньні вытворчасьці, звароту і рэклямы алькагольнай, нехарчовай спітаўтрымальнай прадукцыі і этылавга сьпірту”, кіраўнікі буйнейшых лікёрагарэлачных прадпрыемстваў шчыра кажуць: “Мы ня ведаем, што будзе рабіць галіна 1 студзеня”.
Швайцарыя выказала пажаданьне аб зьніжэньні Беларусьсю аплаты за абавязковае канваіраваньне грузаў па тэрыторыі Беларусі. Гэта прагучала на паседжаньні беларуска-швайцарскай зьмешанай камісіі па пытаньнях міжнародных аўтамабільных шляхоў камунікацыі, якое завяршылася ў пятніцу ў Менску.
У адпаведнасьці з загадам Міністэрства эканомікі Беларусі вытворчае аб’яднаньне “Гарызонт” пераўтворанае ў адкрытае акцыянэрнае таварыства. У склад ААТ увайшлі рэспубліканскія ўнітарныя прадпрыемствы “Інстытут лічбавай тэлевізіі”, “Кабельная і спадарожнікавая тэлевізія”, “Камбінат грамадзкага харчаваньня ВА “Гарызонт”, “Завод Беліт”, “Завод Гарызонт” і яго доччыны ўнітарныя прадпрыемствы “Гандлёвы дом “Гарызонт”, “Рыом”, “Аэстон”, “Наір”, “Гарызонтпраектбуд”.
Паважаная рэдакцыя! Зьвяртаюцца да Вас настаўнікі СШ №2 курортнага мястэчка Нарач. Нам хочацца прывесьці прыклад, зь якога можна меркаваць пра маральныя якасьці асобных нашых кіраўнікоў.
, iнформэр
