Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Справы аб зьнікненьні людзей ня маюць тэрміну даўніны 14:46, 14/01/2003, Юры Дракахруст, Радыё Свабода
На 76-м годзе жыцьця памёр былы дыктатар Аргентыны Леапольда Галтыеры. Зь леташняга ліпеня ён знаходзіўся пад хатнім арыштам. Галтыеры і яшчэ 41 чыноўнік войска і сілаў бясьпекі былі прыцягнутыя да адказнасьці за масавыя парушэньні правоў чалавека ў часы дыктатуры.
Генэралу Галтыеры інкрымінаваліся дакладна даказаныя катаваньні і забойствы 20 левых паўстанцаў. Аднак маштабы злачынстваў былі значна шырэйшымі, падчас дыктатуры ў Аргентыне зьнікла 9 тысячаў апанэнтаў рэжыму, праваабарончыя арганізацыі кажуць пра 30 тысячаў зьніклых. Людзей скідалі з самалётаў у мора, забівалі і хавалі ў сакрэтных магілах, якія ня знойдзеныя дагэтуль. Дыктатарскі рэжым практыкаваў выкраданьне дзяцей у сем’ях іншадумцаў.
Менавіта генэрал Галтыеры разьвязаў вайну зь Велікабрытаніяй за Фалклендзкія выспы. Параза ў гэтай вайне прывяла да падзеньня дыктатуры. Галтыеры за няздольнасьць перамагчы апынуўся у турме, потым быў амніставаны. Аднак летась крымінальны перасьлед дыктатара аднавіўся, ужо за парушэньні правоў чалавека.
12 студзеня генэрал Галтыеры паўстаў перад вышэйшым, Боскім судом. 41 ягоны падзельнік чакае людзкога суду за зьнікненьні людзей, зьдзейсненыя з 1976 па 1983 гады.
, iнформэр
