Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ірацкая гвардыя рыхтуецца да адбіцьця атакі 10:43, 14/01/2003, РБК
Прэзыдэнт Ірака Садам Гусэйн аддаў загад прэзыдэнцкай гвардыі і шэрагу высокапастаўленых афіцэраў у любы момант правесьці акцыі па абароне краіны. Паводле ірацкай тэлевізіі, загад прагучаў падчас нарады, у якой удзельнічалі намесьнік начальніка ўзброеных сілаў Ірака Іза Ібрагім, начальнік прэзыдэнцкай гвардыі Куазі Садам, міністар абароны Султан Хашым і сябра Рады рэвалюцыйнага начальства Алі Гасан аль-Маджыд. Адначасна С.Гусэйн даў распраджэньне аб стварэньні ў краіне чатырох вайсковых зонаў на выпадак вайны з ЗША. Экспэрты мяркуюць, што на нарадзе абмяркоўваліся меры, накіраваныя на абарону цэнтральнае часткі Ірака на выпадак вайны.
Як адзначае IRNA, рашэньне аб узмацненьні вайсковых мераў бясьпекі ў Іраку было прынятае пасьля таго, як С.Гусэйн урачыста заявіў, што ніколі не пакіне Ірак. Садам вырашыў не пакідаць краіну і змагацца, пакуль апошні з іракцаў не ўпадзе мёртвым, заявіў віцэ-прэм’ер Ірака Тарык Азыз. Між тым, зьявіліся паведамленьні аб тым, што ірацкі лідэр можа знайсьці прытулак у Расеі, Беларусі, Егіпце, Лібіі ці Маўрытаніі.
, iнформэр
