Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗША “падпісаліся” на беларускі трыкатаж і шкловалакно 10:50, 14/01/2003, Росбалт
Беларусь і ЗША падпісалі міжурадавы мэмарандум па пытаньні паставак на амэрыканскі рынак прадукцыі беларускай нафтахімічнай і лёккай прамысловасьці. Як паведамілі ў прэсавай службе МЗС Беларусі, дакумэнт падпісаны падчас візыту ў Вашынгтон беларускай дэлегацыі на чале з намесьнікам міністра замежных справаў краіны Аляксандрам Міхневічам.
Дзеяньне мэмарандуму вызначана на тэрмін да 2006 году. Паводле інфармацыі беларускага боку дакумэнт “цалкам улічвае інтарэсы беларускіх вытворцаў жаночага адзеньня і шкловалакна”. Дадзеныя катэгорыі беларускага экспарту цягам некалькіх гадоў карыстаюцца ўстойлівым попытам на амэрыканскім рынку. “Пагадненьне дае магчымасьць ня толькі захаваць аб’ёмы паставак, але і значна іх павялічыць”, - гаворыцца ў паведамленьні прэсавай службы беларускага МЗСу.
