Вяшчаньне “Голоса России” фінансавалася не зь бюджэту Беларусі :: Хартыя'97 :: Навiны

У сувязі з спыненьнем з 2003 году рэтрансьляцыі на частотах беларускага УКВ-дыяпазону праграмаў дзяржаўнай радыёвяшчальнай кампаніі “Голос России” кіраўніцтва радыёстанцыі заклікала захоўваць “карэктнасьць у спасылцы на крыніцу фінансаваньня вяшчаньня на тэрыторыі Беларусі”.

Як адзначаецца ў прэсавым рэлізе радыёкампаніі, тэкст якога паступіў у аўторак ў РІА "Новости", насуперак паведамленьням некаторых СМІ вяшчаньне “Голоса России” фінансавалася “зусім не за кошт фінансаў” зь беларускага бюджэту, а на “аснове гаспадарчай дамовы зь Міністэрствам сувязі Беларусі за кошт сродкаў з уласнага бюджэту” радыёстанцыі.

Прынятае рашэньне аб адключэньні расейскіх радыёстанцыяў Нацыянальная дзяржаўная тэлерадыёкампанія Беларусі тлумачыць “пашырэньнем вяшчаньня ўласнай радыёстанцыі “Сталіца”, адзначаецца ў дакумэнце. “Расейскі бок усьведамляе важкасьць разьвіцьця рэгіянальнага вяшчаньняі і ўсё ж такі не менш настойвае на карэктнасьць ў спасылцы на крыніцу фінансаваньня вяшчаньня на тэрыторыі Беларусі Расейскай дзяржаўнай радыёвяшчальнай кампаніі “Голас России”, якое праводзілася з 2000 да канца 2002 году строга ў адпаведнасьці з дамоўленымі забавязкамі зь Міністэрствам сувязі Рэспублікі Беларусь”, -- згадваецца ў заяве.