Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
МУС прапануе адмяніць інстытут прапіскі 11:23, 15/01/2003
У Міністэрстве ўнутраных справаў Беларусі падрыхтаваныя і накіраваныя ва ўрад прапановы па адмене ў краіне інстытута прапіскі і ўвядзеньню інстытута рэгістрацыі грамадзян. Матар’ялы павінны быць разгледжаныя Саветам міністраў у 2003 годзе. Пра гэта на прэсавай канфэрэнцыі 13 студзеня паведаміў начальнік кіраваньня пашпартна-візавай службы (КПВС) МУС Міхаіл Пецюль.
Пра тое, што ўяўляюць сабой прапанаваныя міністэрствам новаўвядзеньні, М.Пецюль казаць ня стаў, толькі адзначыў, што працэдура рэгістрацыі будзе значна прасьцей за працэдуру прапіскі, перадае БелаПАН. Паводле КПВС МУС, у 2002 годзе ў падразьдзяленьнях пашпартна-візавай службы было разгледжана больш за 2 млн. зваротаў грамадзян аб зьмене месца жыхарства.
