Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гарадзенская апазыцыя ня трапіла ў склад участковых камісіяў 12:37, 16/01/2003
Прадстаўнікі Партыі БНФ занесьлі ўладам сваю заяву з пратэстам. Аніводнага з 33 сябраў партыі не ўключылі ва ўчастковыя камісіі па выбарах у гарадзкі Савет. Рада БНФ лічыць, што гэта сьведчыць аб парушэньні выканаўчымі ўладамі Выбарчага кодэксу.
На думку аднаго зь мясцовых лідэраў партыі Сяргея Мальчыка, гэта сьведчыць і пра намеры ўладаў. “Неўключэньне ніводнага сябра БНФ гаворыць аб адным. Улады будуць паўтараць сцэнар, які быў на прэзыдэнцкіх выбарах. Улады рыхтуюцца праводзіць падлік галасоў так, як ім захочацца. Таму ніякага спадзяваньне на аб’ектыўнасьць вынікаў галасаваньня няма”, - заявіў палітык Радыё Свабода. Сяргей Мальчык гаворыць, што гарадзкая Рада БНФ, аднак, пастанавіла працягваць удзел у перадвыбарчай кампаніі. Па некалькі чалавек прапанавалі ва ўчастковыя камісіі таксама некаторыя іншыя партыі й дэмакратычныя арганізацыі. Па папярэдніх зьвестках, іх улады таксама не пажадалі ўключыць у склад камісіяў. Управа юстыцыі пачала праверку дакумэнтаў рэгіянальнага аддзяленьня Беларускага Гельсынскага камітэту. Ягоны кіраўнік Аляксандар Антанюк лічыць, што гэта дзеля таго, каб не прапусьціць ва ўчастковыя камісіі трох прадстаўнікоў БГК.
, iнформэр
