Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Першы намесьнік міністра замежных справаў Беларусі Васіль Пугачоў прыбудзе ў панядзелак, 20 студзеня, ў Бэйрут. Як перадае карэспандэнт РІА "Новости", ён “абмяркуе зь лібанскімі калегамі шляхі пашырэньня і ўмацаваньня беларуска-лібанскіх адносінаў”. На фоне нядаўняга скандалю з атрыманьнем на тэрыторыі Лібану вайсковага абсталяваньня, якое накіроўвалася зь Беларусі ў Ірак, візыт выглядае дастаткова дзіўным.
Нагадаем, што ў аўторак лібанскія ўлады затрымалі двух чалавек па падазрэньні ў арганізацыі нелегальнага перакіду танкавага абсталяваньня ў Ірак, прадухіленага ў аэрапорце Бэйруту. Груз быў дастаўлены зь Беларусі і накіроўваўся ў Ірак. У кантэйнерах знаходзіліся прылады сувязі і танкісцкія шоламы. Абедзьве катэгорыі тавараў падпадаюць пад дзеяньне забароны на пастаўкі зброі ў Ірак.
