Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
АRTICLE 19, Усясьветная кампанія за свабоду слова, зьвярнулася з адкрытым лістом да Аляксандра Лукашэнкі, у якім выказала сваю занепакоенасьць тым фактам, што беларуская газэта "Местное Время" ня можа аднавіць сваю дзейнасьць, бо летась яе ліцэнзія была прызнанай нядзейнай.
Прадстаўнікі палітычных партыяў складаюць 4% ад агульнай колькасьці суіскальнікаў у кандыдаты дэпутатаў у мясцовыя Саветы. Пра гэта, як паведамляе інфармацыйнае агенцтва “Интерфакс” у сераду на прэсавай канфэрэнцыі паведаміла старшыня Цэнтральнай камісіі па выбарах і правядзеньні рэспубліканскіх рэферэндумаў (ЦВК) Лідзія Ярмошына.
Сьледчая група пракуратуры Кіева адправілася ў Беларусь з мэтай больш дэталёва дасьледаваць абставіны пагібелі рэдактара “Українських новин” Міхаіла Каламійца. Пра гэта “Обозревателю” паведамілі ў прэсавай службе пракуратуры. Як заявіў раней пракурор Кіева Васіль Прысяжнюк, сьледзтва асабліва цікавяць прычыны знаходжаньня Каламійца ў Беларусі, асобы, зь якімі ён там кантактаваў і чаму апынуўся менавіта ў тым лесе.
Па запрашэньні кіраўніцтва абедзьвюх палат “нацыянальнага сходу” Беларусі, 22-24 студзеня адбудзецца афіцыйны візыт старшыні Нацыянальнага сходу Вьетнаму Нгуен Ван Аня, перадае карэспандэнт РІА “Новости”. Як паведаміў на брыфінгу прэсавы сакратар беларускага МЗСу Андрэй Савіных, у часе візыту старшыня Нацыянальнага сходу СРВ будзе прыняты Аляксандрам Лукашэнкам, правядзе сустрэчы з прэм’ер-міністрам Генадзем Навіцкім, старшынёй “палаты прадстаўнікоў” Вадзімам Паповым.
Кожны чацьвер Радыё Рацыя запрашае да сябе ў госьці VIP-пэрсон, якія ў інтэрактыўным рэжыме адказваюць на пытаньні ня толькі карэспандэнтаў, але і слухачоў радыё. Пытаньні і адказы таксама публікуюцца на сайце Радыё Рацыя. Чарговым госьцем рубрыкі “Чысты чацьвер” стане Андрэй Саньнікаў – былы намесьнік міністра замежных справаў Беларусі, міжнародны каардынатар грамадзянскае ініцыятывы “Хартыя’97”. Пытаньні, якія Вы хочаце задаць Андрэю Саньнікаву, трэба адпраўляць на адрэсу rac@user.unibel.by - Pytanne Sannikavu.
У канцы леташняга году ў самага буйнога інфармацыйнага агенцтва краіны – Беларускага тэлеграфнага – зьмяніўся кіраўнік. Пасаду генэральнага дырэктара БЕЛТА атрымаў супрацоўнік Службы бясьпекі прэзыдэнта палкоўнік Алег Пралескоўскі. У Службе бясьпекі Пралескоўскі ачольваў аддзел па аналітычнай працы і паралельна курыраваў прэсу. Новы дырэктар БЕЛТА, прызначаны на пасаду асабіста Лукашэнкам, шчыра мяркуе, што “журналісцкія матэрыялы павінны ўсьведамляцца як сродак сацыяльнага кансэнсусу, каштоўнасных арыентыраў і кансалідацыі беларускага грамадзтва”. Так ён заявіў у інтэрвію газэце “7 дней”, самыя красамоўныя вытрымкі зь якога мы вам прапануем.
Намесьнік кіраўніка місіі ЗША пры Сталай Радзе АБСЭ Дуглас Дэвідсан у сваім звароце да арганізацыі 16 студзеня згадаў Беларусь, Туркмэністан, Кыргызстан і Азэрбайджан у ліку краінаў, дзе парушаецца свабода слова. У прыватнасьці, адносна Беларусі ён сказаў наступнае: “У Беларусі ўлады працягваюць аказваць ціск на калектыў газэты “Местное время”. Гэты факт стаў чарговым у сэрыі парушэньняў правоў чалавека, накіраваных на спыненьне дзейнасьці незалежных СМІ. Злучаныя Штаты заклікаюць Беларусь дазволіць гэтай, а таксама іншым газэтам даносіць да людзей альтэрнатыўную інфармацыю”.
Захад на шляху пашырэньня НАТО і ЭЗ на Ўсход павінен надзяляць больш увагі Рэспубліцы Беларусь, бо там усё актуальней паўстае пытаньне аб краху рэжыму Аляксандра Лукашэнкі. Беларусь да гэтага часу знаходзіцца пад дэспатычнай уладаю дыктатуры. Рада Эўропы нават адзначае пагаршэньне сытуацыі з правамі чалавека ў гэтай былой савецкай рэспубліцы. Эканамічная мадэль Лукашэнкі, накіраваная на кансэрвацыю савецкага сацыялізму, пацярпела крах. Становішча пагаршаецца ў выніку замежнапалітычнай ізаляцыі Беларусі.
“Адзіны спосаб для Беларусі выбрацца з балота – гэта стаць кандыдатам у Эўразьвяз”, -- лічыць Андрус Кубіліус, дэпутат літоўскага Сэйму, лідэр парлямэнцкай фракцыі кансэрватараў, былы прэм’ер-міністар Літвы (1997-1999гг.).
Напярэдадні ад’езду ў Парыж на запрашэньне міжнароднай праваабарончай арганізацыі “Amnestу International” Галіна Бандажэўская мела кароткачасовае спатканьне з сваім мужам у турме.
На гэтым тыдні ў Францыі і Швайцарыі пройдуць акцыі ў падтрымку беларускага навукоўца Юры Бандажэўскага. Іх ладзяць заходнія калегі гомельскага прафэсара разам з актывістамі міжнароднай праваабарончай арганізацыі “Amnestу International”. А ў наступным месяцы ў Базэлі адбудзецца спэцыяльны мэдычны сімпозіюм, дзе Юры Бандажэўскі будзе нават ганаровым удзельнікам.
Першы намесьнік міністра замежных справаў Беларусі Васіль Пугачоў перадаў у аўторак лібанскаму прэзыдэнту Эмілю Лахуду пасланьне ад Аляксандра Лукашэнкі. Як перадае карэспандэнт РІА "Новости", Пугачоў прыбыў у Бэйрут у панядзелак з двухдзённым візытам для правядзеньня плянавых кансультацыяў у МЗС Лібану. У прэс-бюро лібанскага прэзыдэнта паведамілі, што ў пасланьні прэзыдэнта Беларусі Аляксандра Лукашэнкі падкрэсьленае імкненьне разьвіваць і ўмацоўваць стасункі зь Лібанам у розных абласьцях, асабліва ў вобласьці эканамічнага разьвіцьця. У пасланьні таксама адзначаецца, што на дадзены момант у Беларусі і Лібана склаліся неблагія міжпарлямэнцкія адносіны, а таксама адносіны ў вобласьці адукацыі і эканомікі.
У складзе ініцыятыўнай групы па збору подпісаў за вылучэньне кандыдата ў дэпутаты Менгарсавету, наведваючы жыхароў некалькіх дамоў на вуліцы Русіянава, я міжволі зьвярнуў увагу вось на што: у пад’ездах валяюцца раскіданыя і стаптаныя ўлёткі. Падняў адну зь іх, прачытаў: “Отчет о проделанной работе. 2000--2002 год”. Пад фотаздымкам паважанага мужчыны – дэвіз “Спеши делать добро людям". І подпіс – “Депутат Палаты представителей Национального Собрания Республики Беларусь II созыва. Заместитель председателя постоянной Комиссии по бюджету, финансам и налоговой политике Марахин В.И.” Далей -- тэкст падрабязнай справаздачы.
Паважаная рэдакцыя! У палеміцы перадвыбарчых жарсьцяў, якія ў нас то распальваюцца, то заціхаюць, галоўнае – думка выбарца – застаецца па-за кадрам. Слугі народа і апазыцыя, кожны па-свойму, камэнтуюць ролю электарата і гэтым самым выдаюць сваю думку за думку народа. Абяцаньні, дадзеныя народу перад выбарамі, зараз выглядаюць проста жартам.
Прыпыненая крымінальная справа аб гвалтоўным выкраданьні намесьніка старшыні Вярхоўнага Савету 13 скліканьня Віктара Ганчара і бізнэсоўца Анатоля Красоўскага. Пра гэта Ірыне Красоўскай паведаміў кіраўнік сьледчай групы Ўладзімер Чумачэнка.
1 лютага адкрываюцца два новыя пункты збору пошліны з расейскіх аўтаперавозчыкаў, якія едуць транзытам ці праяжджаюць па частцы Беларусі. Як паведаміў міністар транспарту і камунікацыяў гэтай краіны Міхаіл Баравы пасьля сканчэньня ў Берасьці рабочай сустрэчы дэлегацыяў транспартных ведамстваў Беларусі і Расеі, з гэтага часу на трасе Берасьце - Менск - мяжа Расейскай Федэрацыі будуць працаваць не два пункты збору дарожных пошлін, як зараз, а чатыры.
Прэзыдыюм беларускага ўраду ўчора вечарам ухваліў праект указу прэзыдэнта, датычны акцыянаваньня прадпрыемстваў нафтахімічнага комплексу. Згодна праекту, прадпрыемствы могуць быць прыватызаваныя толькі за грошы. Зараз дакумэнт перадаецца на подпіс Аляксандру Лукашэнку. Пра гэта паведамляе газэта "Время новостей".
180-рублёвыя квіткі і жэтоны колькі дзён таму засталіся ў мінулым: з 20 студзеня 2003 году кошт праезду ў грамадзкім транспарце Менску складае 200 рублёў. Адпаведна, для пасажыраў ільготнікаў – 100 рублёў, пры продажы кіроўцамі – 250, у аўтобусах экспрэсных маршрутаў – 400. За леташні год кошт паслуг грамадзкага транспарту падвышаўся ў 5 разоў і за год павялічыўся болей чым у 3 разы. Трэба меркаваць, цяперашнее падаражэньне – першы сёлета крок на шляху да мары гарадзкіх уладаў аб поўнай акупальнасьці транспарту.
У новы год гарадзенскія энэргетыкі перанесьлі падвойны груз неплатаў. Паводле намесьніка генэральнага дырэктара рэспубліканскага ўнітарнага прадпрыемства “Гроднаэнэрга” Мікалая Заеца, прадпрыемства запазычыла за сьнежань “Итере” 2,2 млрд. рублёў і за студзень павінна сплаціць “Газпрому” яшчэ 6 млрд. Але з тае прычыны, што апошнія спажыўцы аплаціцлі менш за 35% скарыстаных рэсурсаў, то к канцу другой дэкады студзеня “Гроднаэнэрга” пералічыла толькі 2 зь неабходных 8 млрд. рублёў.
Дзьве хаты, два хлява, гараж на дзьве машыны, трактар, лазьню, адну пуньку для дроваў, другую для брыкета. Плюс карову, парсючка і 12 кур. Усё гэтае багацьце Вольга Іванаўна зь вёскі Лыцавічы Вілейскага раёну ў свае 60 зь лішкам гатовыя абмяняць на пакой у менскім інтэрнаце: “Я жыць хачу! Хопіць!”
22 студзеня 2003 году ў Горадні Стачкам прадпрымальнікаў Рэспублікі Беларусь аб’явіў аднадзённую забастоўку прадпрымальнікаў Горадні. Для вырашэньня канфліктнай сытуацыі старшыня Стачкаму прадпрымальнікаў Валеры Леванеўскі прызначыў сустрэчу гарадзенскіх прадпрымальнікаў з кіраўніцтвам Гарадзенскага абласнога выканаўчага камітэту ў будынку самога аблвыканкаму. Прыдуць ці не на сустрэчу кіраўнікі Гарадзенскага абласнога выканаўчага камітэту, ці зноў пасадзяць Валеры Леванеўскага на чарговыя 15 сутак за тое, што ён падыдзе да будынка аблвыканкаму – пакажа час.
У ценю сталіцы 11:00, 22/01/2003, Алена Дзенісенка, “Вечерний Минск”
Добраўпарадкаваньне Менску і тэмпы, зь якімі ён пераўтвараецца і прыгажэе, выклікаюць у жыхароў астатніх невялікіх беларускіх гарадоў і вёсак вельмі зразумелую зайздрасьць. На яшчэ ўчорашніх пустках вырастаюць цэлыя мікрараёны, дзіцячыя садкі, новыя школы. Асартымэнт сталічных крамаў мала чым адрозьніваецца ад эўрапейскіх. Дык што я распавядаю вам, менчукам?! Берасьцейцы, магілёўцы і іншыя вераць, што ад вагнёў вялікай сталіцы, па знаёмых з юнацтва законам фізыкі, перападае сьвятла і блізкім тэрыторыям. Прасьцей, Менскаму раёну. Акрамя таго, яшчэ на памяці леташняя заява прэзыдэнта рэспублікі аб неабходнасьці надаць Меншчыне годны выгляд. Ён параіў не адкладаць добрую справу ў доўгую скрыню. Такім бачыцца Менскі раён здалёк. У тых, хто там жыве, меркаваньне аб мясцовай якасьці жыцьця іншае.
Пастановаю Мінэканомікі ад 10 студзеня 2003 году №9 зацьверджаныя новыя кошты на газ прыродны і звадкаваны, якія адпускаюцца насельніцтву. Новыя кошты на газ пачалі прымяняцца з 15 студзеня 2003 году. Акрамя таго, з гэтага дня сталі прымяняцца новыя тарыфы і на электрычную энэргію.
, iнформэр
