Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь зьніжае транзытныя зборы для расейцаў 15:01, 22/01/2003, Автотрансинфо
1 лютага адкрываюцца два новыя пункты збору пошліны з расейскіх аўтаперавозчыкаў, якія едуць транзытам ці праяжджаюць па частцы Беларусі. Як паведаміў міністар транспарту і камунікацыяў гэтай краіны Міхаіл Баравы пасьля сканчэньня ў Берасьці рабочай сустрэчы дэлегацыяў транспартных ведамстваў Беларусі і Расеі, з гэтага часу на трасе Берасьце - Менск - мяжа Расейскай Федэрацыі будуць працаваць не два пункты збору дарожных пошлін, як зараз, а чатыры.
Новыя пункты адкрыюцца ў раёне населеных пунктаў Коласава і Крупкі. Міністар адзначыў, што стаўка праезда будзе дзяліцца на чатыры часткі. Калі для вялікагрузнай фуры з чатырма восямі яна сёньня складае 50 даляраў, то плаціць яе давядзецца не адразу, а па частках: на першым і апошнім пунктах – па 15 даляраў, а на прамежкавых – па 10. Гэта зьнізіць выдаткі для тых, каму ня трэба перасякаць усю тэрыторыю рэспублікі, а трэба даставіць груз, напрыклад, з Масквы ў Менск.
Акрамя таго, М.Баравы адзначыў, што плата для расейскіх транспартных сродкаў з двума восямі зьнізіцца з 12 да 8 даляраў. Утрая, з 6 да 2 даляраў, будзе таксама зьменшаная плата за праезд па трасе для расейцаў, якія перасоўваюцца па тэрыторыі Беларусі на леккавым транспарце.
, iнформэр
