Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускі экспарт ва Ўкраіну зьнізіўся на 38,2 адсоткі 11:15, 23/01/2003
За 11 месяцаў 2002 году таваразварот Беларусі з Украінай склаў 503,7 млн даляраў ЗША, што на 22,6% ніжэй за аналягічны пэрыяд 2001 году. Пры гэтым экспартныя пастаўкі зьнізіліся на 38,2% і склалі 246,8 млн даляраў ЗША, а імпарт павялічыўся на 2,2% і склаў 256,9 млн даляраў.
Як паведамілі ў Мінэканоміцы, зьніжэньне экспарту ва Ўкраіну зьвязанае зь зьніжэньнем паставак беларускіх нафтапрадуктаў. Відавочна, што за кошт якой-небудзь адной таварнай групы складана перакрыць страчаныя пазыцыі па нафтапрадуктах. Як адзначылі ў Мінэканоміцы, у Беларусі гэтай прадукцыі ня сталі вырабляць меней. Наадварот, зараз яна ідзе на экспарт у розныя краіны Эўропы, дзе карыстаецца ўстойлівым попытам. Вырашальную ролю ў праблеме нарошчваньня нашай прадукцыі павінны адыграць дывэрсыфікацыя замежнага гандлю. Ужо з другой паловы 2002 году сытуацыя з экспартам ва Ўкраіну істотна палепшылася за кошт нарошчваньня аб’ёмаў паставак трактараў, лядоўняў, шпалераў і іншай прадукцыі.
