Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чаму патухлі ліхтары 11:18, 23/01/2003, Юры Сьвятакум, “Вечерний Минск”
Калі нядзельным вечарам цэнтральныя праспэкты беларускай сталіцы ўспыхнулі ўсёй сваёй ілюмінацыяй, сустракаючы картэж расейскага прэзыдэнта, у дамох па Лагойскім тракце, на вуліцах Мірашнічэнкі і Шырокай на некалькі гадзінаў зьнікла сьвятло. Патухлі вялікі ліхтар уздоўж вуліцы Кальцова і на ўчастку вуліцы Багдановіча. “Вырубіла” электрычную падстанцыю, а таксама ўзмацняльнікі падсілкаваньня антэнаў тэлевізыйных прыймачоў.
Як пракамэнтавалі нам сытуацыю ў УП “Менскія кабельныя сеці,” такія аварыі на лініях здараюцца, на жаль, ня рэдка і зьвязаныя яны перш за ўсё з старым абсталяваньнем. І ледзь назіраецца ўзаемасувязь паміж лямпачкамі, запаленымі на шляху картэжа высокага госьця, і патухлымі на іншых вуліцах.
Начыньваньне падстанцыі, якая сапсавалася ў той вечар, сапраўды старое і памятае лепшые часы пачынаючы з ...1939 году. Але і яна – ня самы стары “сьветач” беларускай сталіцы, бо адзін з цэнтральных раёнаў Менску сёньня сілкуе падстанцыя 1932 (!) году. А прыкладна 100 кілёмэтраў кабелю зь пяці тысячаў пракладзеных у горадзе ўвогуле даваеннага часу. Што ў такім выпадку хутчэй кажа аб надзейнасьці электравытворцаў тых часоў. Усяго за год абсталяваньне дае прыкладна 1000 збоеў.
