Украінскія журналісты пачынаюць уласнае расьследваньне :: Хартыя'97 :: Навiны

Група ўкраінскіх журналістаў намерваецца правесьці незалежнае журналісцкае расьследваньне абставінаў сьмерці дырэктара агенцтва “Українські новини” Міхаіла Каламійца. З гэтай мэтай журналісты намерваюцца 27 студзеня адправіцца ў Беларусь для збору інфармацыі аб абставінах пагібелі журналіста, які апошнія дні свайго жыцьця правёў у гэтай краіне, паведамляе грамадзкая арганізацыя “Ліга эканамічных журналістаў”.

Як перадаюць “Версии.com”, Ліга праводзіць журналісцкае расьсьледваньне абставінаў і прычынаў гібелі Каламійца пры фінансавай падтрымцы Міжнароднага фонду “Відродження”. У часе паездкі журналісты плянуюць сустрэцца з сьледчымі міліцыі, пракуратуры і Службы бясьпекі Беларусі, людзьмі, зь якімі незадоўга да сьмерці Каламіец непасрэдна кантактаваў.

“Ліга эканамічных журналістаў” абяцае агучыць у СМІ вынікі расьсьледваньня.