Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У 2002 годзе прыведзена ў выкананьне 5 сьмяротных прысудаў 11:18, 27/01/2003
У Беларусі колькасьць сьмяротных прысудаў, якія прыводзяцца ў выкананьне, рэзка скарацілася ў параўнаньні зь дзевяностымі гадамі. “Так, калі ў 1996 годзе было да 40 прысудаў да сьмяртнага пакараньня, то летась выкананыя толькі 5 прысудаў”, -- паведаміў у пятніцу на прэсавай канфэрэнцыі ў Менску начальнік камітэту выкананьня пакараньняў (КВП) МУС Беларусі Ўладзімер Коўчур.
Паводле ягонай інфармацыі, сёлета прыведзены да выканьня толькі адзін сьмяротны прысуд.
У.Коўчур заявіў таксама, што за некаторыя злачынствы альтэрнатывы сьмяротнаму пакараньню няма. “Як грамадзянін, я выступаю за сьмяртнае пакараньне”, -- сказаў начальнік КВП.
Разам з тым ён выказаў думку, што пры захаваньні сьмяротнага пакараньня было б дастаткова максымальнага тэрміну пакараньня на 15 гадоў.
Зараз у Беларусі пакараньне звыш 20 гадоў пазбаўленьня волі адбывае каля 300 чалавек, для іх ужо не хапае месцаў і неабходнае будаўніцтва новых корпусаў калёніяў, адзначыў У.Коўчур.
