Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзяржаўныя выдаткі ў Беларусі складаюць 60% ад ВУП 11:12, 27/01/2003
Беларусь мае адзін з самых высокіх у СНД узроўняў дзяржаўных выдаткаў. Пра гэта журналістам у Менску заявіў Джон Літвак, кіраўнік місіі Усясьветнага банка, якая 27 студзеня завершыць у Беларусі працу па ацэнцы яе дзяржаўных выдаткаў.
Паводле папярэдніх вынікаў місіі, дзяржаўныя выдаткі ў Беларусі складаюць 60% яе валавага ўнутранага прадукта (ВУП). Паводле Літвака, “доля бюджэтных і пазабюджэтных выдаткаў у Беларусі вельмі высокая ў параўнаньні з іншымі краінамі з пераходнай эканомікай, у тым ліку з Расейскай Федэрацыяй”. Высокая ступень дзяржаўных выдаткаў патрабуе высокага падаткаабкладаньня, цяжар якога, як лічаць міжнародныя экспэрты, ускладаецца на беларускіх падаткаплацельшчыкаў. “Беларускі ўрад усьведамляе неабходнасьць агульнага скарачэньня дзяржаўных выдаткаў”, -- адзначыў Літвак.
У сваю чаргу, першы намесьнік міністра фінансаў Беларусі Анатоль Сьверж заявіў: “Мы добра разумеем, што ў нас высокая падаткавая нагрузка і імкнемся яе зьменшыць”. Высокі ўзровень дзяржаўных выдаткаў у Беларусі Сьверж патлумачыў сацыяльна-арыентаванай палітыкай, якую праводзіць кіраўніцтва краіны. Паводле ягоных словаў, беларускі ўрад абавязаны працаваць у рамках гэтага курса.
, iнформэр
