Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь хоча “культурна” сябраваць зь Іранам 11:04, 27/01/2003, Газэта “Іран”
Міністар культуры Беларусі ў пятніцу падчас сустрэчы з амбасадарам Іслямскай рэспублікі Іран у Менску Гальпайгані падкрэсьліў неабходнасьць разьвіцьця двухбаковага супрацоўніцтва ў галіне культуры. Іранскі дыплямат у час гэтай сустрэчы ў разьвіцьці адносінаў, заклікаў яшчэ да большага разьвіцьця супрацоўніцтва ў сфэры культуры паміж Тэгеранам і Менскам.
Міністар культуры Беларусі ў сваім выступе назваў нядаўні візыт міністара культуры і іслямскай арыентацыі Ірану ў Менск і правядзеньне тыдня іранскага кіно ў гэтай краіне важным крокам па шляху разьвіцьця такога роду супрацоўніцтва.
Ён указаў на свой візыт у Тэгеран на чале дэлегацыі дзеячоў культуры Беларусі, які павінен адбыцца ў пэрыяд з 1 па 4 сакавіка сёлетняга году, і падкрэсьліў неабходнасьць разьвіцьця двухбаковых зносінаў у гэтай сфэры.
У час гэтага візыту чакаецца падпісаньне мэмарандуму аб двухбаковым супрацоўніцтве ў галіне культуры і іслямскай арыентацыі Ірану. Таксама ў пэрыяд знаходжаньня гэтай высокапастаўленай дэлегацыі ў Тэгеране пройдзе тыдзень культуры Беларусі ў Іслямскай рэспубліцы Іран.
, iнформэр
