Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускі матыў 15:26, 28/01/2003, Аляксандар Пількевіч, “Голас Амэрыкі”
Новагоднія святы ў Беларусі – справа цяглая. Пачынаюцца яны як і на захадзе, а заканчваюцца “па старым стылі”. Прычына -- у наяўнасьці ў рэспубліцы дзьвюх асноўных хрысьціянскіх канфэсіяў, праваслаўнай і каталіцкай. Афіцыйны Менск сымпатызуе першым, аднак сур’ёзна канфліктаваць зь другімі, а значыць, з многімі эўрапейскімі суседзямі, не рашаецца. Таму ў Беларусі сьвяткуюць два разы Каляды, а пасьля па звычцы даходзяць і да Старога Новага году. Тры тыдні “ўзьліваньняў” – гэта, мякка кажучы, салідна...
Палітрукі ў расах 14:41, 28/01/2003, Мар’яна Дунцава, Антон Плацілін, БДГ
Беларусь становіцца другой пасьля Грузіі краінай на постсавецкай прасторы, дзе ёсьць верагоднасьць заключэньня канкардату -- пагадненьня аб супрацоўніцтве дзяржавы і рэлігійнай канфэсіі. Ва ўсялякім выпадку, на распрацоўку плянаў супрацоўніцтва зь Беларускай праваслаўнай царквою ў міністэрстваў і ведамстваў краіны засталіся лічаныя дні. Сташыня Камітэту па справах рэлігіяў і нацыянальнасьцяў Станіслаў Бука паведаміў карэспандэнтам “БДГ”, што 31 студзеня праект пагадненьня між органамі дзяржаўнай улады Беларусі і БПЦ плянуецца перадаць на разгляд у Савет міністраў.
Леташні год паказаў, што Тайланд больш чым беззабаронны перад абліччам карупцыі. Аднак ёсьць такія краіны, як Расея, у якіх у гэтых адносінах справы яшчэ горшыя.
18-гадовы актывіст ЗУБРа Ўладзімер П. затрыманы міліцыяй 27 студзеня каля заводу “Гарызонт”. Зубр клеіў улёткі з лёзунгам “Ён павінен сысьці!”. Маладога чалавека даставілі ў РАУС Цэнтральнага раёну, дзе пратрымалі 3 гадзіны. Затым выпісалі штраф у 10 тысячаў і адпусьцілі. Нягледзячы на затрыманьні (гэта ўжо трэцяе за апошнія дні) і намаганьні камунальных службаў, накіраваныя на зрываньне ўлётак, цэнтральныя вуліцы сталіцы літаральна стракацяць лёзунгам “Ён павінен сысьці!”
Кіраўнік Фэдэрацыі прафсаюзаў Беларусі Леанід Козік распаўсюдзіў у панядзелак зварот, у якім заклікаў міжнародны прафсаюзны рух выступіць супраць вайны ў Іраку. Прафбос прапануе “патрабаваць ад кіраўнікоў і ўрадаў дзяржаваў не дапусьціць разьвязваньня вайны ў Іраку”. “Я заклікаю народы сьвету, міжнародны прафсаюзны рух – скажыце сваё слова! Рабіце заявы, патрабуйце, выказвайце салідарнасьць з народам Іраку. Скажыце "не" вайне! Патрабуйце міра для людзей! Пратэстуйце супраць вайны ў Іраку!”, -- гаворыцца ў звароце Леаніда Козіка.
Сёньня ў Кіеве адкрывае сваю працу сёлета першы нефармальны саміт СНД. Дзеля справядлівасьці варта адзначыць, што лідэры Садружнасьці кожны раз усё больш ігнаруюць сустрэчы “без гальштукаў”. На гэты раз прэзыдэнты “пабілі рэкорды” па ігнараваньні такіх мерапрыемстваў. Пра намер прыехаць ва ўкраінскую сталіцу заявілі толькі восем кіраўнікоў дзяржаваў – Расеі, Беларусі, Малдовы, Грузіі, Таджыкістану, Армэніі, Азэрбайджану і Ўкраіны. Чацьвёра цэнтральнаазыяцкіх лідэраў па тых ці іншых прычынах удзел у нефармальным саміце прымаць ня будуць.
Аляксандар Лукашэнка будзе прымаць удзел у нефармальным саміце лідэраў краінаў-удзельніц СНД, які будзе праходзіць 28-29 студзеня ў Кіеве. Як паведаміў у панядзелак агенцтву “Интерфакс-Украина” 3-ці сакратар і прэсавы аташэ амбасады Беларусі ва Ўкраіне Ўладзімер Сьцяпук, кіраўнік беларускай дзяржавы прыбудзе ў Кіеў 29 студзеня. Паводле яго, зараз яшчэ ўдакладняецца склад беларускай дэлегацыі, якая будзе прымаць удзел у саміце СНД.
Яны рэгулярна даюць справаздачу аб дасягнутых посьпехах у выкананьні пастаўленых задачаў і даручэньняў, пакорліва пераносяць публічны наганяй за дробныя і буйныя памылкі і пакорліва разьвітваюцца з сваімі пасадамі. Цяжка быць у Беларусі дзяржслужачым. Якую высокую пасаду б не даводзілася займаць і колькі б не было намесьнікаў, адчуваньне сябе “маленькім чалавекам” на вялікай службе ніколі не праходзіць.
Ніякай легітымізацыі “нацыянальнага сходу” Беларусі ў Парлямэнцкай асамблеі Рады Эўропы на зімовай сэсіі ня будзе”, -- заявіў 27 студзеня ў інтэрвію БелаПАН лідэр Аб’яднанай грамадзянскай партыі (АГП) Анатоль Лябедзька, які знаходзіцца ў Стразбургу на сэсіі ПАРЭ, якая адкрылася сёньня. Паводле палітыка, гэта стала зразумела пасьля паседжаньня падкамісіі па Беларусі Палітычнага камітэту ПАРЭ.
Беларускі страхавы саюз, які аб’ядноўвае 26 страхавых арганізацыяў краіны, вырашыў зьвярнуцца зь лістом да прэм’ер-міністра рэспублікі Генадзя Навіцкага ў сувязі з крызыснай сытуацыяй, якая склалася на страхавым рынку краіны. Рашэньнем, якое будзе мець самыя сур’ёзныя наступствы для рынка добраахвотнага страхаваньня ў Беларусі, у Беларускім Саюзе страхаўшчыкоў (БСС) называюць унясеньне зь ініцыятывы Мінфіну і наступнае прыняцьце "парлямэнтам" зьменаў у падаткавае заканадаўства, згодна зь якім страхавыя ўнёскі зараз выключаюцца з складу сабекошту, “што ня мае аналягаў ні ў краінах СНД ні ў далёкім замежжы”.
У аўтрак у Кіеве праходзяць перамовы прэзыдэнтаў Расеі і Ўкраіны ў пашыраным складзе. Адным з вынікаў сустрэчы стала стварэньне сумеснага газавага кансорцыюму, паведамляе тэлекампанія НТВ.
Аляксандар Лукашэнка 27 студзеня падпісаў дэкрэт №4 “Аб адзіным падатку з індывідуальных прадпрымальнікаў і іншых фізычных асобаў і аб некаторых мерах па рэгуляваньні прадпрымальніцкай дзейнасьці”. Пра гэта паведамляе прэсавая служба прэзыдэнта Беларусі.
Штогод зь Беларусі эмігруюць 15 дактароў навук і 35-50 кандыдатаў навук. Пра гэта паведаміў першы намесьнік старшыні Камітэту па навуцы і тэхналёгіях пры Савеце міністраў Уладзімер Нядзілька 27 студзеня ў Менску на прэсавай канфэрэнцыі, прысьвечанай Дню навукі, які адзначаецца ў апошнюю нядзелю тыдня. “Для Беларусі гэта вялікія лічбы, асабліва калі ўлічыць, што ў першую чаргу зьяжджаюць людзі ў найбольш актыўным узросьце”, -- сказаў У.Нядзілька.
З 1 лютага сёлетняга году ў Беларусі памеры пэнсіяў павялічацца – яны будуць праіндэксаваныя ў сярэднем на 7 адсоткаў. Як паведаміў карэспандэнту БЕЛТА першы намесьнік кіраўніка Фонду сацыяльнай абароны насельніцтва Міністэрства працы і сацыяльнай абароны Леанід Пісарчык, у сувязі з гэтым павелічэннем для выплаты пэнсіяў у лютым дадаткова спатрэбіцца каля 16 мільярдаў рублёў. У адпаведнасьці з пастановаю ўраду, на гэтыя патрэбы плянуецца накіраваць частку сродкаў за кошт скарачэньня асыгнаваньняў на аздараўленьне.
Гандляры страйк не аб’явілі, аднак праз праверкі большасьць вымушаная не працаваць. Як паведамляе радыё “Юністар”, татальныя праверкі пачаліся яшчэ напярэдадні сьнежню. Ад прадпрымальнікаў пачалі патрабаваць пасьведчаньняў аб гігіенічнай рэгістрацыі ўсіх тавараў, а ня толькі некаторых відаў, як гэта было раней. Сьведкамі сутыкненьняў кантралёраў і гандляроў былі ў мінулыя выходныя шматлікія наведвальнікі рынку. Некаторыя сталі ўладальнікамі рэчаў, якія кідалі ў натоўп прадпрымальнікі з крыкам: “Няхай лепей людзям, чым вам!”
Чарговая місія экспэртаў Міжнароднага валютнага фонду пачне працу ў Беларусі 28 студзеня. Як паведамілі ў Нацыянальным банку Беларусі, у задачу цяперашня місіі ўваходзіць правядзеньне штогадовых плянавых кансультацыяў з прадстаўнікамі ўраду і галоўнага банку краіны. У прыватнасьці, плянуецца абмеркаваць пытаньні грашова-крэдытнай палітыкі краіны, зьніжэньня інфляцыі, прыватызацыі, валютнага саюзу з Расеяй. Акрамя таго, экспэрты фонду плянуюць абмеркаваць з кіраўніцтвам краіны пэрспэктывы далейшага супрацоўніцтва МВФ зь Беларусьсю.
Экспартна-імпартныя апэрацыі з прыбытковай прадукцыяй не прыносяць істотнага даходу беларускім вытворцам, народу і дзяржаве праз ланцуг шматлікіх пасярэднікаў, сярод якіх пераважная большасьць — прыватнікі. Пра гэта заявіў у панядзелак на нарадзе па пытаньнях ўдасканаленьня замежнагандлёвай дзейнасьці Беларусі Аляксандар Лукашэнка.
Нядаўна старшыня Камітэту дзяржкантролю Анатоль Тозік дакладваў прэзыдэнту аб выніках працы свайго ведамства за 2002 г. Акрамя вынікаў праверак дзяржорганаў і прадпрыемстваў, Аляксандру Лукашэнку хутчэй за ўсё было цікава паслухаць аб выніках працы па выкараненьні зьявы, якую ўлады называюць ілжывым прадпрымальніцтвам.
Супрацоўніцтва з расейскімі рэгіёнамі стане прыярытэтным накірункам у замежнаэканамічнай дзейнасьці прадпрыемстваў аграпрамысловага коплексу Беларусі на 2003 год. У прыватнасьці, як паведамілі ў панядзелак у прэсавай службе амбасады Беларусі ў Расейскай Фэдэрацыі, значна павялічацца пастаўкі беларускага харчаваньня ў Маскву. Адпаведная дамоўленасьць ужо дасягнутая з Дэпартамэнтам харчовых рэсурсаў ураду Масквы.
У межах СНД Беларусь валодае найменшай ступеняй эканамічнай свабоды. Гэта вынікае з дакладу ў “2003 Index of Economic Freedom”, надрукаванага газэтай "The Wall Sreet Journal" і фондам Heritage Foundation. У дакладзе разглядаюцца такія фактары, як грашовая і гандлёвая палітыка, падаткавы цяжар, дзяржаўны ўплыў, банкаўская сыстэма, структура заробку і права на ўласнасьць у 161 краіне. Беларусь сярод гэтых краінаў займае 151-ае месца. Яе эканамічная сыстэма аднесеная экспэртамі да “рэпрэсіўнай”. Яны лічаць яе краінай, “зьвернутай у мінулае”.
, iнформэр
