Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь плянуе забясьпечыць Маскву харчаваньнем 10:56, 28/01/2003, Росбалт
Супрацоўніцтва з расейскімі рэгіёнамі стане прыярытэтным накірункам у замежнаэканамічнай дзейнасьці прадпрыемстваў аграпрамысловага коплексу Беларусі на 2003 год. У прыватнасьці, як паведамілі ў панядзелак у прэсавай службе амбасады Беларусі ў Расейскай Фэдэрацыі, значна павялічацца пастаўкі беларускага харчаваньня ў Маскву. Адпаведная дамоўленасьць ужо дасягнутая з Дэпартамэнтам харчовых рэсурсаў ураду Масквы.
Паводле дадзеных прэсавай службы, у 2002г. прадпрыемствы Міністэрства сельскай гаспадаркі і харчаваньня Беларусі пасьпяхова выканалі свае забавязкі перад расейскімі партнэрамі. Напрыклад, у адрас маскоўскіх арганізацыяў адгружана ў 1,5 разоў болей, чым плянавалася, цьвёрдага сыру, а пастаўкі сьметанковага масла павялічыліся на 26%. Амаль на 15% павялічаны экспарт ялавіччыны, сухога малака, малочных кансэрваў. Паводле інфармацыі беларускай амбасады, асаблівым попытам у жыхароў Масквы карыстаюцца беларуская сьвініна, мяса птушкі, мясныя кансэрвы.
, iнформэр
